لوندوندا وتەتىن جەمقورلىقپەن كۇرەس ءسامميتىنىڭ قارساڭىندا جاريالانعان لاگاردتىڭ اشىق حاتىندا جەمقورلىقتىڭ ەكونوميكانى قيراتاتىن كۇشكە يە ەكەنى، سونىڭ كەسىرىنەن بىلىمگە، دەنساۋلىق ساقتاۋ جانە تاعى باسقا سالالارعا جۇمسالاتىن شىعىننىڭ قىسقاراتىنى تۋرالى ايتىلادى.

حۆق باسشىسىنىڭ پىكىرىنشە، جەمقورلىقتان بولاتىن قوسىمشا شىعىندار ودان دا كوپ بولۋى مۇمكىن جانە ول ەكونوميكالىق ءوسىمنىڭ باياۋلاۋىنىڭ جانە ادامدار تابىسىنداعى تەڭسىزدىكتىڭ ءوسۋىنىڭ سەبەبىنە اينالادى.

كريستين لاگارد سونىمەن بىرگە، جەمقورلىق ازاماتتاردىڭ ۇكىمەتكە دەگەن سەنىمىنە سىزات تۇسىرەتىنىن جانە ەتيكالىق تالاپتاردى جوياتىنىن ايتتى. 12 مامىردا لوندوندا جۇمىسى باستالعان جەمقورلىققا قارسى كۇرەس سامميتىنە 40 ەلدىڭ وكىلدەرى، ونىڭ ىشىندە 11 مەملەكەتتىڭ باسشىسى قاتىسۋدا.

اباي-اقپارات