بەيسەنبى, 20 اقپان 2020
ساياسات 4119 0 پىكىر 5 مامىر, 2016 ساعات 11:06

ەمومالي راحموننىڭ قىزى سەنات دەپۋتاتتىعىنا كانديتات بولدى

تاجىكستان پرەزيدەنتى ەمومالي راحموننىڭ قىزى وزودا راحمون سەناتقا كانديدات رەتىندە تىركەلىپتى. وزودا راحمون 38 جاستا. بەس بالانىڭ اناسى. بۇعان دەيىن تاجىكستاننىڭ سىرتقى ىستەر ءمينيسترىنىڭ ورىنباسارى، اقش-تاعى تاجىكستان ەلشىلىگىنىڭ مادەني بولىمىندە جۇمىس ىستەگەن. 29 مامىردا وتەتىن سايلاۋدا وزودا راحمونمەن قاتار تۇسەتىن قارسىلاسى جوق ەكەن.


جالپى، ەمومالي راحمون كوپ بالالى وتباسى. ونىڭ توعىز بالاسى بار: جەتى قىز (فيرۋزا، وزودا، رۋحشونا، تاحمينا، پارۆينا، زاررينا جانە فارزونا) جانە ەكى ۇل (رۋستام، سومون). 

پرەزيدەنت وتباسى مۇشەلەرىنىڭ مەملەكەتتىك قىزمەتكە كەلۋى كوپتەگەن ورتا ازيا ەلدەرىندە بار.

قازاقستان پرەزيدەنتى ن.نازارباەۆ بىلتىرى وتكەن كەزەكتەن تىس پرەزيدەنت سايلاۋ كەزىندە شەنەۋنىكتەرگە مەملەكەتتىك قىزمەتكە تۋىستارىن، جەرلەستەرىن، جاقىن ادامدارىن اكەلۋدى توقتاتۋدى قاتاڭ ەسكەرتكەن بولاتىن. پرەزيدەنتتىڭ بۇل ايتقانى قالاي جۇزەگە اسىپ جاتقانى بەلگىسىز.

Abai.kz

0 پىكىر