ايىپتاۋ قۇجاتىندا ولاردىڭ ادام ولتىرۋگە تاپسىرىس بەرگەنى، ەسىرتكى جانە قارۋ ساۋداسىمەن اينالىسقانى، بوپسالاۋ، الاياقتىق، پاراقورلىق جانە زاڭسىز اقشا اۋدارىمدارى قىلمىستارىمەن اينالىسقانى تۋرالى جازىلعان.

سۋديا وسىنداي قىلمىسپەن اينالىستى دەگەندەردىڭ تىزىمىنە مەملەكەتتىك دۋمانىڭ قارجى كوميتەتىنىڭ باسشىسى ۆلاديسلاۆ رەزنيكتى، ىشكى ىستەر مينيسترلىگىنىڭ باسقارما باسشىسى نيكولاي اۋلوۆتى جانە بۇرىنعى پرەمەر-مينيستر ۆيكتورا زۋبكوۆتى، ەكس-قورعانىس ءمينيسترى اناتولي سەرديۋكوۆتى، بۇرىنعى وڭىرلىك دامۋ ءمينيسترى دميتري كوزاكتى، ەكس-ۆيتسە-پرەمەر يگور سوبولەۆسكيدى جانە اقپاراتتىق تەحولوگيالار جونىندەگى بۇرىنعى مينيستر لەونيد رەيماندى قوسقان. اۋلوۆتىڭ كەڭسەسىندەگىلەر بۇل ايىپتاردىڭ ساياسي استارى بار جانە ول ەڭ الدىمەن رەسەيلىك شەنەۋنىكتەرگە كۇيە جاعۋدى كوزدەيدى دەپ باعالادى.