جۇما, 28 اقپان 2020
جاڭالىقتار 2157 0 پىكىر 30 ناۋرىز, 2016 ساعات 07:22

ناۋرىز بۇۇ-دا تويلاندى

تۇرىك مادەنيەتىنىڭ حالىقارالىق ۇيىمى - تۇرىكسوي ناۋرىزدى بۇۇ-دا تويلادى دەپ حابرلايدى تۇركيانىڭ TRT ارناسىنىڭ قازاق رەداكتسياسى.
تۇركى الەمىنەن جينالعان 150 ونەر قايراتكەرى بۇۇ عيماراتىندا كونتسەرت بەردى.

بۇۇ تاراپىنان ماتەريالدىق ەمەس مادەنيەت مۇراسى رەتىندە قابىلدانعان ناۋرىز كوپتەگەن ديپلوماتتار مەن  قوناقتاردىڭ قاتىسۋىمەن اتاپ ءوتىلدى.

بيىلعى مەرەكەلىك شارا ءازىربايجان، قازاقستان، قىرعىزستان جانە تۇرىكمەنستاننىڭ تاۋەلسىزدىكتەرىنىڭ 25 جىلدىعىنا ارنالدى.

راسىمدە ءسوز سويلەگەن بۇۇ باس حاتشىسىنىڭ ورىنباسارى يان ەللياسسون ناۋرىزدىڭ بۇۇ مادەني مۇرا تىزىمىندە ەكەنىن ەسكە سالىپ، بۇۇ-دا بەس جىل ۇزىلىستەن كەيىن تۇرىكسوي كونتسەرتىن تاماشالاۋدىڭ ءساتى تۇسكەنىن ايتتى.

تۇرىكسوي باس حاتشىسى دۇيسەن قاسەيىنوۆ تە تۇركيا جانە بەلگياداعى تەررور لاڭكەستىكتەرىن ايىپتاپ، وسى قايعىلى وقيعالاردىڭ كولەڭكەسىندە ناۋرىز مەرەكەسىن شاتتىقپەن تويلاي الماعاندارىن ءبىلدىردى.

باياندامالاردان كەيىن 15 ەلدەن كەلگەن شامامەن 150 ونەر قايراتكەرى ناۋرىزبەن بىرگە كەلگەن كوكتەم ۇسىنعان بىرلىك، تىرلىك، سۇيىسپەنشىلىك پەن باۋىرلاستىقتى بەينەلەيتىن ونەرلەرىن كورسەتتى.

اباي-اقپارات

0 پىكىر