ريم پاپاسى بوسقىندارعا قول ۇشىن سوزباق
ريم پاپاسى فرانتسيسك جەكسەنبى كۇنى حريستيان سەنىمىندەگىلەردى پاسحا مەرەكەسىمەن قۇتتىقتاپ، "Urbi et Orbi" ("قالاعا جانە الەمگە") دەگەن اتپەن ءداستۇرلى جولداۋىن جاسادى. وندا زورلىق-زومبىلىق، ادىلەتسىزدىك، جەر جۇزىندەگى بەيبىتشىلىككە تونگەن قاتەر باستى تاقىرىپتار بولدى.
ۆاتيكانداعى قاسيەتتى پەتر شىركەۋىندە سويلەگەن سوزىندە فرانتسيسك سوعىستان، اشىقتان، كەدەيلىك پەن الەۋمەتتىك تەڭسىزدىكتەن باس ساۋعالاعان بوسقىندار مەن ميگرانتتاردىڭ ماسەلەلەرىن ۇمىتپاۋعا شاقىردى. بريۋسسەلدەگى، تۇركيا مەن وزگە ەلدەردەگى سوڭعى لاڭكەستىك شابۋىلدار جايلى ايتقان ريم پاپاسى الەم "كورسوقىر ءارى قاتىگەز زورلىققا" قارسى سۇيىسپەنشىلىكتى قارۋ ەتۋى كەرەك دەپ سانايدى.
پونتيفيك سيريا، ۋكراينا جانە تاياۋ شىعىستاعى جاعداي تۋرالى دا ايتتى. ول سيريا ۇكىمەتى مەن ەلدەگى وپپزيتسيا اراسىنداعى كەلىسسوزدەر بۇل ەلدەگى ۇزاققا سوزىلعان سوعىسقا نۇكتە قويادى دەپ ۇمىتتەنەدى. ريم پاپاسى ۋكرايناداعى قاقتىعىستى تۇبەگەيلى توقتاتۋعا شاقىردى. بيىل ۆاتيكاندا پاسحا مەيرامىن مەرەكەلەۋ كەزىندەگى قاۋىپسىزدىك شارالارى ەرەكشە كۇشەيتىلگەن.
اباي-اقپارات
