پەنتاگون: رەسەي سيريادان از عانا ۇشاقتارىن شىعاردى
اقش جەتەكشىلىك ەتەتىن "يسلام مەملەكەتى" ەكسترەميستىك توبىنا قارسى كواليتسيا رەسەي سيريادان بولار-بولماس اسكەرىن شىعاردى، نەگىزگى ۇشاقتارى مەن اسكەري كۇشتەرى ءالى دە بازالارىندا وزگەرىسسىز قالىپ وتىر دەپ مالىمدەدى.
بۇل جونىندە پولكوۆنيك ستيۆ ۋوررەن يراكتان ۆيدەوبريفينگ ارقىلى حابارلادى. ونىڭ سوزىنشە، سيريادان ونشاقتى رەسەي ۇشاعى عانا اكەتىلگەن.
ال رەسەيدىڭ پالمير قالاسىنىڭ جانىندا سيريالىق اسكەرگە قولداۋ كورسەتەتىن اسكەري كۇشى ءوز ورىندارىندا قالىپ وتىر دەپ حابارلايدى پەنتاگون وكىلى.
"رەسەيدىڭ شىن نيەتىن ءتۇسىنۋ وتە قيىن. الدىمەن ءبىز ءپۋتيننىڭ اسكەردى اكەتۋ جونىندەگى مالىمدەمەسىن كۇتپەدىك. بىراق ءبىز سوزدەرى مەن ىستەرىنىڭ قالايشا سايكەس كەلەتىنىن، وقيعانىڭ قالاي داميتىنىن باقىلاپ وتىرمىز", – دەدى ۋوررەن.
اباي-اقپارات
