پورشەنكو ساۆچەنكونىڭ ادۆوكاتىمەن كەزدەستى
ۋكراينا پرەزيدەنتى پەتر پوروشەنكو ۋكراينالىق ۇشقىش نادەجدا ساۆچەنكونىڭ ادۆوكاتتارى مارك فەيگين، نيكولاي پولوزوۆ جانە يليا نوۆيكوۆتارمەن كەزدەستى.
كەزدەسۋ بارىسىندا پرەزيدەنت پوروشەنكو ادۆوكاتتارعا جۇمىستارى ءۇشىن العىسىن جەتكىزدى. بۇل جونىندە ۋكراينا پرەزيدەنتىنىڭ ءباسپاسوز قىزمەتى حابارلايدى.
ونىڭ باعالاۋىنشا، ادۆوكاتتارى نادەجدا ساۆچەنكونىڭ كىناسىزدىگىن دالەلدەۋ ءۇشىن، قولدارىنان كەلگەن بارلىق امالدارىن جاساپ جاتىر. "سىزدەر قازىر وتە اۋىر جاعدايدا تۇرسىزدار. بىراق رەسەيدىڭ نادەجدا ساۆچەنكوعا تاققان ايىپتارىنىڭ نەگىزسىز ەكەنىن سىزدەردىڭ، بىزدەردىڭ بىرلەسكەن كۇشتەرىمىزبەن الەمگە دالەلدەدىك",– دەپ اتاپ ءوتتى پرەزيدەنت پوروشەنكو.
ول سونىمەن بىرگە "ساۆچەنكونىڭ سانكتسيالىق ءتىزىمىن" ەنگىزۋگە قاتىستى بەلسەندى تۇردە كەڭەستەر وتكىزىپ جاتقانىن جەتكىزدى. پرەزيدەنت نادەجدا ساۆچەنكونى ۇيىنە قايتارۋ ءۇشىن ءوزىنىڭ كونستيتۋتسيالىق مۇمكىندىگىن بارىنشا پايدالانىپ وتىرعانىن كەزەكتى رەت باسا ايتتى.
اباي-اقپارات
