تەرروريزممەن كۇرەس. تۋىستار دا جاۋاپ بەرەدى
وزبەكستاننىڭ ۇلتتىق قاۋىپسىزدىك قىزمەتى، ميليتسيا، يمامدار مەن ماحاللا بەلسەندىلەرى راديكالدى ءدىني سارىنمەن سوتتالعاندار مەن ىزدەۋدە جۇرگەندەردىڭ تۋىستارى جۇرت الدىندا ماسقارا بولىپ، جاۋاپكەرشىلىككە تارتىلۋ كەرەك دەپ ەسەپتەيدى.
ۇلتتىق قاۋىپسىزدىك قىزمەتىنىڭ قىزمەتكەرلەرى باستاعان توپ وزبەكستاننىڭ بارلىق ايماقتارىندا سيريا مەن يراندا "يسلام مەملەكەتى" ەكسترەميستىك توبىنىڭ قاتارىندا سوعىسىپ جۇرگەن ازاماتتارعا قارسى ۇگىت-ناسيحات جۇمىستارىن جۇرگىزىپ جاتىر.
تاشكەنتتە، ءاندىجاندا، نامانگاندا، فەرعانا مەن تاشكەنت وبلىسىتارىندا وتكىزگەن شارالاردا ەكسترەميستەر قاتارىنا قوسىلعانداردىڭ تۋىستارىن جۇرت الدىندا ماسقارا بولۋعا لايىق دەدى.
اتالعان شارا باق ارقىلى كەڭ تارالىپ جاتىر. تەلەارنالار ارقىلى سوتتالعاندار مەن ايىپ تاعىلعانداردىڭ تۋىستارىن ماسقارالايتىن سوزدەر ايتىلىپ جاتىر.
ەسكە سالا كەتەيىك، "يسلام مەملەكەتى" توبىنا قارسى شارا وزبەكستاندا وتكەن جىلدىڭ جازىندا باستالعان.
اباي-اقپارات
