بۇل تۋرالى Facebook الەۋمەتتىك جەلىسىندەگى پاراعىندا جۋرناليست ۆيكتوريا يۆلەۆا حابارلادى. باقىلاۋشىلاردىڭ ايتۋىنشا، ساۆچەنكونىڭ جاعدايى تۇراقتى، تۇرمەدە كۇنىنە ەكى رەت ونىڭ قان قىسىمى مەن دەنە تەمپەراتۋراسى ولشەيدى، بىراق ول ەديتسينالىق تەكسەرۋدەن باس تارتقان. تۇتقىن تەك سۋ عانا ىشەدى. وعان تاماقتى كۇشتەپ بەرۋ وقيعاسى بولماعان.

"...مەنىڭ اشتىقتى دوعارمايتىنىمدى بارلىعى تۇسىنەدى. مەن بۇل ەلدە [تۇرمەدە] وتىرۋعا دا، ءومىر سۇرۋگە دە بەيىلدى ەمەسپىن" دەگەن نادەجدا ساۆچەنكونىڭ ءسوزىن جەتكىزگەن ونىمەن جۇزدەسكەن چەرەۆاتەنكو.

10 ناۋرىزدا ساۆچەنكونىڭ ادۆوكاتى مارك فەيگين تۇتقىن جاريالاپ جاتقان قۇرعاق اشتىقتى ۋكراينا پرەزيدەنتى پەتر پوروشەنكونىڭ جەكە ءوتىنىشى بويىنشا توقتاتقانى تۋرالى حابارلاعان ەدى. بىراق كەيىن "پرەزيدەنت حاتى" جالعان ەكەنى انىقتالىپ، فەيگين وعان بايلانىستى ول حاتتى وزدەرى جازعاندارىن مويىنداعان ەكى ادامنىڭ ۇستىنەن قىلمىستىق ءىس قوزعاۋدى سۇراپ شاعىم تۇسىرەتىنىن مالىمدەگەن.

ناۋرىزدىڭ 21-ءى مەن 22-ءى كۇندەرى روستوۆ وبلىسى دونەتسك قالالىق سوتى 2014 جىلى ۋكراينا شىعىسىندا رەسەيلىك ەكى ءجۋرناليستىڭ ولىمىنە قاتىسى بار دەپ ايىپتالعان نادەجدا ساۆچەنكوعا سوت ۇكىمىن جاريالاۋى ءتيىس.

ساۆچەنكو وزىنە تاعىلعان ايىپتى ءۇزىلدى-كەسىلدى جوققا شىعارادى.

ۋكراينا مەن رەسەيدە جانە الەمنىڭ وزگە دە ەلدەرىندە نادەجدا ساۆچەنكونى دەرەۋ بوساتۋدى تالاپ ەتكەن نارازىلىق اكتسيالارى ءوتىپ جاتىر.

اباي-اقپارات