قازاقستاندى مازاقتاپ، بۇكىل الەمگە ۇلتىمىزدى ماسقارالاعان ساشا بارون كوەن قازاقستانعا "كەلە جاتىر". ارينە، بۇكىل عالام بورات دەپ بىلەتىن ساشا باروننىڭ ءوزى كەلمەيدى، ونىڭ سومداعان ءرولى كينوتەاترلارىمىزدىڭ تورىندە قويىلاتىن بولدى.  

"وتاندىق كينوتەاترلاردا 10 ناۋرىزدان باستاپ رەجيسسەر لۋي لەتەرەنىڭ "براتيا يز گريمسبي" ءفيلمى تاسپالانىپ جاتىر. كارتيناداعى باستى ءرولدىڭ ءبىرىن، التى الاشتى كۇللى الەمگە "بورات" وبرازىندا ماسقارا ەتكەن ساشا بارون كوەن سومدايدى. اۋديتورياسى + 18. بيلەتتەرى دە ارزان ەمەس. ۇلتتىق رۋحىما نۇقسان كەلتىرگەن اعىلشىندىق "اكتەرسىماقتىڭ" كەزەكتى سايقىمازاقتىعىنا قازاق ەندى اقشاسىن تولەپ ء"تانتى" بوپ ءجۇر. "بورات" 2006 جىلى 260 ملن. دوللار تابىس جاساپتى. ەسىڭدە ۇستا قازاق! بۇل سەنىڭ ايرانداي توگىلگەن ابىرويىڭا، مازاقسۇيەر الەمدىك كورەرمەننىڭ بەرگەن - قۇنى. بىزدە كورسەتىلەر شەت ەلدىك فيلمدەردى قاداعالايتىن ورگاندار اي قارا ءجۇر مە؟ سول سالا بەلسەندىلەرى ساشا باروننىڭ ء"يسى شىققان" جەردى ورتەپ، اتىن ءتىپتى ەستىرتپەۋى ءتيىس قوي. ەل كينوتەاترلارى اتالمىش كارتينانى تاسپالاۋىن توقتاتۋى قاجەت دەپ ەسەپتەيمىن! ساشا باروندى جۇرتتان الاستاۋ ءۇشىن، ءۇن قوسار نامىسشىل اعايىننىڭ قولداۋىنا ءۇمىت بار!" دەپ جازادى Facebook الەۋمەتتىك جەلىسىن پايدالانۋشى سەرىك نويانبايۇلى. 

اقش-قا بارعان ساپارىندا ەلباسىمىزدىڭ ءوزى "بورات" فيلمىنە وزىندىك ويىن ايتىپ، نارازىلىق بىلدىرگەن بولاتىن. ەندى سول "اكتەرسىماقتىڭ" باستى رولدەگى وبرازىن قازاق نەگە تاماشالاۋ كەرەك. بۇل باسسىزدىققا يسا پايعامبار مەن قىتاي كومپوزيتورى تۋرالى فيلم تۇسىرگىش مادەنيەت مينيسترلىگى نەگە جول بەرىپ وتىر؟ ءبىزدىڭ ايتارىمىز وسى.

ءشارىپحان قايسار

Abai.kz