جۇما, 29 ناۋرىز 2024
جاڭالىقتار 5685 0 پىكىر 10 ناۋرىز, 2016 ساعات 12:38

ورلەۋدەگى سەميناردا ءبىلىم بەرۋ جۇيەسىندەگى وزەكتى ماسەلەلەر تالقىلاندى

قر ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ الماتى وبلىسىنىڭ ءبىلىم سالاسىنداعى باقىلاۋ دەپارتامەنتى جانە «ورلەۋ» باۇو» اق فيليالى الماتى وبلىسى  بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ۇيىمداستىرۋىمەن 2016 جىلدىڭ  5 ناۋرىزى كۇنى الماتى پوليگرافيالىق كوللەدجى بازاسىندا ء«بىلىم بەرۋ ۇيىمى قىزمەتىنىڭ ساپاسىن باعالاۋ: كريتەريلەر مەن دەسكريپتورلار» اتتى بىرلەسكەن وبلىستىق سەمينار  ءوتتى.

سەميناردىڭ باستى ماقساتى – ءبىلىم بەرۋ ۇيىمدارى قىزمەتىن كريتەريالدى باعالاۋ جۇيەسىن پايدالانۋ نەگىزىندە ءبىلىم بەرۋ ساپاسىن ارتتىرۋ ءۇشىن جاعداي جاساۋ. سەمينار بارىسىندا ىشكى باقىلاۋ پروتسەدۋرالارىنىڭ ناتيجەلەرى بويىنشا ءبىلىم ساپاسىن ارتتىرۋ ماسەلەلەرىنىڭ تالداۋ قورىتىندىلارى كورسەتىلىپ، ءبىلىم بەرۋ ۇيىمدارىنىڭ ءوزىن-ءوزى باعالاۋ مەن مەملەكەتتىك اتتەستاتتاۋدى وتكىزۋ كەزىندە ءبىلىم بەرۋ قىزمەتىنىڭ ساپاسىن باعالاۋداعى كريتەريلەر مەن دەسكريپتورلاردىڭ ارتىقشىلىقتارىن ءتۇسىندىرۋ جانە ءبىلىم ساپاسىن ارتتىرۋعا قاتىستى ۇسىنىستار ازىرلەنەدى.

سەميناردىڭ تەوريالىق بولىمىندە الماتى وبلىسىنىڭ ءبىلىم سالاسىنداعى باقىلاۋ دەپارتامەنتىنىڭ باسشىسى دوسماتوۆا سالتانات جۇمانقىزى «ىشكى باقىلاۋ پروتسەدۋرالارىنىڭ ناتيجەلەرى بويىنشا ءبىلىم ساپاسىن ارتتىرۋ ماسەلەلەرىن تالداۋ» تاقىرىبىندا بايانداما جاسادى. الماتى وبلىسىنىڭ ءبىلىم سالاسىنداعى باقىلاۋ دەپارتامەنتىنىڭ باسشىسى سالتانات جۇمانقىزى: «بۇگىنگى ءبىزدىڭ سەميناردى «ورلەۋ» باۇو» اق فيليالى الماتى وبلىسى  بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتى قىزمەتكەرلەرىمەن بىرلەسە وتىرىپ ۇيىمداستىرۋىمىزدىڭ باستى سەبەبى 2015 جىلدىڭ تالداۋ ناتيجەسى بولىپ وتىر. جالپى ماقساتىمىز ءبىر. ول ءبىلىمدى بولاشاق ۇرپاق. ءبىلىمدى ۇرپاق – ەلىمىزدىڭ ەرتەڭى. قازىر سىزدەردىڭ نازارلارىڭىزعا ۇسىنىلاتىن مالىمەتتەردى سارالاي وتىرىپ ءوز قاتەلىكتەرىمىزدى تۇزەۋگە تالپىنىس جاساۋىمىز قاجەت. 2015 جىلى الماتى وبلىسى بويىنشا 195 ءبىلىم بەرۋ مەكەمەلەرىندە اتتەستاتسيالاۋ جۇرگىزىلدى. ناتيجەسىندە 141 مەكەمە، ياعني، 72,3 % وتپەدى»،- دەپ تالداۋ ناتيجەلەرىمەن تانىستىردى.

 «ورلەۋ» باۇو» اق فيليالى الماتى وبلىسى  بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى  ديۋسەباەۆ حانات ءالىمجانۇلى ء«بىلىم مازمۇنىن جاڭارتۋ جاعدايىندا پەداگوگ قىزمەتكەرلەردىڭ بىلىكتىلىگىن ارتتىرۋ ەرەكشەلىكتەرى» اتتى بايانداماسى ارقىلى سەمينارعا قاتىسۋشىلاردى ينستيتۋت قىزمەتىمەن تانىستىرا وتىرىپ، پەداگوگ كادرلاردى دايارلاۋدىڭ جاۋاپكەرشىلىگى جوعارى جۇمىس ەكەندىگىن قاداپ ايتتى.

 سەمينار جۇمىسىنىڭ سوڭىندا بەلسەندىلىگىمەن كوزگە تۇسكەن قاتىسۋشىلار العىس حات، سەرتيفيكاتتارمەن ماراپاتتالدى.

 

ايگۇل نۇراقباەۆا،

 «ورلەۋ» باۇو» اق فيليالى الماتى وبلىسى

 بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتى

 «قوعاممەن بايلانىس جانە باسپا قىزمەتى» ءبولىمىنىڭ باس مامانى 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3554