ول مۇنداي مالىمدەمەنى ورالدا وتكەن قازاقستان حالقى اسسامبلەياسىنىڭ رەسپۋبليكالىق فورۋمىندا جاسادى.

— بارلىق ازاماتتاردىڭ تۇراقتىلىقتى، بىرلىكتى جانە جاسامپازدىقتى جالعاستىرۋ ءۇشىن داۋىس بەرۋلەرى وتە ماڭىزدى. بۇل "نۇر وتان" پارتياسىنىڭ ساياسي باعىتى ەكەنىن ءبىز بارلىعىمىز جاقسى بىلەمىز،— دەدى نۇرسۇلتان نازارباەۆ.

قازاقستان پرەزيدەنتىنىڭ سوزىنشە، "نۇر وتان" پارتياسى باعدارلاماسىنىڭ باستى مىندەتى - "نۇرلى جول" باعدارلاماسىن ادال ءارى ءونىمدى اياقتاپ، قازاقستاننىڭ كولىك، تەمىر جولداردى جوندەپ، ەلەكتروستانتسيا مەن وزگە دە ينفراقۇرىلىمدىق نىسانداردى تۇرعىزۋ جانە تۇرعىن ءۇي، بالاباقشا، مەكتەپ پەن اۋرۋحانا سالۋ.

نۇرسۇلتان نازارباەۆ سونىمەن بىرگە سايلاۋعا قاتىسۋشىلار كوپ بولسا، ەلگە ينۆەستيتسيا دا كوپتەپ كەلەدى دەدى.

قازاقستاندا مەرزىمىنەن بۇرىن پارلامەنت ماجىلىسىنە سايلاۋ 20 ناۋرىزدا وتەدى. قازاقستانداعى وپپوزيتسيا مەن قۇقىق قورعاۋشى ۇيىمدار مەرزىمىنەن بۇرىن وتكىزەتىن سايلاۋ تاجىريبەسى بيلىكتىڭ قارسىلاستارىنا ءادىل سايىسۋعا مۇمكىندىك بەرمەيدى دەپ سىناپ كەلەدى. ال نۇرسۇلتان نازارباەۆتىڭ ءوزى 1989 جىلدان بەرى قازاقستاندى باسقارىپ كەلەدى.

اباي-اقپارات