ۇستىمىزدەگى جىلدىڭ 10-13 ناۋرىز كۇندەرىندە قازاقتىڭ كورنەكتى سازگەرى تاتتىمبەت قازانعاپۇلىنىڭ 200 جىلدىعىنا وراي انكارا، ەسكيشەحير، اماسيا جانە بولۋ قالالارىندا بىرقاتار مادەني ءىس-شارالار ۇيىمداستىرىلادى.

قالي بايجانوۆ اتىنداعى كونتسەرتتىك بىرلەستىگى تاتتىمبەت اتىنداعى اكادەميالىق ۇلت اسپاپتار وركەسترىنىڭ جانە ازەربايجاننىڭ، قىرعىز رەسپۋبليكاسىنىڭ، تۇركيانىڭ بەلگىلى ونەرپازدارىنىڭ قاتىسۋىمەن «قازاقستان مەن تۇركيا دوستىعى» اتتى كونتسەرتتەر وتەدى. وركەستردىڭ كوركەم جەتەكشىسى جانە باس ديريجەرى قازاقستاننىڭ ەڭبەك سىڭىرگەن قايراتكەرى دۇيسەن ۇكىباي. ەكى باۋىرلاس ەل اراسىنداعى قارىم-قاتىناستىڭ كۇشەيۋىنە ۇلەس قوساتىن ايتۋلى مەرەكەلى شاراعا تۇركيانىڭ ۇلى ءماجىلىس دەپۋتاتتارى، قالا گۋبەرناتورلارى مەن مەرلەرى، ديپلوماتيالىق مەكەمەلەردىڭ وكىلدەرى، تۇرىك زيالىلارى مەن ونەرسۇيەر قاۋىم قاتىسادى. شارا ۇيىمداستىرۋشىلارى: حالىقارالىق تۇركسوي ۇيىمى، قازاقستاننىڭ تۇركياداعى ەلشىلىگى جانە قاراعاندى وبلىسىنىڭ اكىمدىگى.

اباي-اقپارات