ماڭعىستاۋ وبلىسىنا يران مەن وزبەكستاننان كەلگەن ورالماندار وزدەرىنە قازاقستان ازاماتتىعىن الۋدى وڭايلاتۋ ءۇشىن جەرگىلىكتى بيلىكتىڭ "استانادان رۇقسات كۇتىپ جۇرگەندەرىن" ايتادى. وبلىستىق كوشى-قون پوليتسياسى باسقارماسى "باۋىرلارىمىزدىڭ ازاماتتىق ماسەلەسى سايلاۋعا دەيىن شەشىلەدى" دەپ ۇمىتتەنەدى.

​ماڭعىستاۋ وبلىسى اكىمىنىڭ ءباسپاسوز حاتشىسى گۇلميرا بالعوجاەۆا اكىمدىكتىڭ Facebook پاراقشاسىنا 2010 جىلدان بەرى ماڭعىستاۋ وبلىسىنا 23 مىڭنان استام قازاقتىڭ كوشىپ كەلگەنىن، بىراق ولار وڭايلاتىلعان ءتارتىپ بويىنشا قازاقستان ازاماتتىعىن قابىلداۋعا ۋاقىتىندا ءوتىنىش بەرمەگەنىن جازعان.

ماڭعىستاۋعا يران، ساۋد ارابياسى، تۇركىمەنستان مەن وزبەكستاننان قونىس اۋدارعان ەتنيكالىق قازاقتار اقتاۋ قالاسىنداعى ورالماندارعا ارنالعان بەيىمدەۋ ورتالىعىندا تۇرىپ جاتىر. 2010 جىلى اشىلعان ورتالىق 200 وتباسىنا ارناپ سالىنعان. ورتالىقتا ورالمانداردان بولەك بالالار ءۇيىنىڭ تۇلەكتەرى دە تۇرادى.

اباي-اقپارات