5 ناۋرىز – مىنا ءفاني جالعاندا عۇمىر كەشىپ جۇرگەن كەزىندە-اق،  «الاشتىڭ ء اليحانى»  اتانعان الاشوردا كوشباسشىسى ءاليحان بوكەيحاننىڭ  تۋعان كۇنى. بيىل دارا تۇلعانىڭ دۇنيەگە كەلگەنىنە 150 جىل! بۇل – بارلىق «الاش!» دەگەن قازاقتىڭ ورتاق تويى.  

ءاليحان بوكەيحان – قازاق رۋحانياتى ءھام ساياسي جۇيە تاريحىنداعى ۇلكەن فەنومەن. ول – بار قازاقتىڭ اۋىز تولتىرىپ ايتار ماقتانىشى، مەرەيى. ءاليحان بوكەيحاندى يۋنەسكو –نىڭ ءوزى – «الەمدىك تۇلعا» دەپ تانىدى، ول – «عاسىر ساڭلاعى».

5 ناۋرىز كۇنى استانا قالاسىنداعى  «التىن ادام»  مەيرامحاناسىندا  الاشتانۋشى-عالىمداردىڭ ۇيىمداستىرۋىمەن، الاش اماناتىنا ادالدىق تانىتقان بەلگىلى كاسىپكەر، قالتالى ازاماتتاردىڭ قولداۋىمەن  ءاليحان بوكەيحاننىڭ رۋحىنا ارنالعان اس بەرىلىپ، ونىڭ ءازىز رۋحىنا ءھام ونىمەن بىرگە الاش قوزعالىسىنا بەلسەنە ارالاسقان اسىل ەرلەردىڭ رۋحىنا قۇران-حاتىم باعىشتالماقشى.  ءاليحاننىڭ الاش يدەياسى – بۇگىنگى قازاقتىڭ دا شامشىراعى ىسپەتتى. ءاليحان بابامىزدىڭ 150 جىلدىق مەرەيتويى قۇتتى بولسىن!

اباي-اقپارات