الەۋمەتتىك جەلىلەردى اشا قالساڭىز التى جاسار بالا جوعالدى، ونىنشى سىنىپتاعى وقۋشى ىزدەستىرىلۋدە، ەكىنشى كۋرس ستۋدەنتىنىڭ ۇيىنە ورالماعانىنا بەس كۇن بولدى دەگەن جاڭالىقتار تولىپ ءجۇر.

جامان جاڭالىقتان قورقىپ، تەلەديدار تۇگىلى ۇيدەگى ۇتىكتىڭ ءوزىن بايقاپ قوساتىن بولدىق قوي. ادام ۇرلاعىشتار جوق پا دەپ، تاڭەرتەڭ ۇيدەن شىعاردا اينالاما ءبىر قاراپ الامىن. بىرەۋ-مىرەۋ قولدى قىلسا قارسىلىق كورسەتەر قاۋقارىم بولسىن دەپ، سپورت زالعا بارىپ جاتتىعاتىن بولىپ ءجۇرمىن. بالامدى ەكى جىل بويى بالا-باقشادان الماپ ەدىم، قازىر ءوزىم اپارىپ، ءوزىم اكەتەتىن بولدىم.

التى جارىمدا اياقاتالاتىن جۇمىسىمنان بەس جارىمدا شىعىپ، التىعا دەيىن عانا جۇمىس ىستەيتىن بالا-باقشاعا ۇلگەرۋ كەرەكسىڭ. بىزدەگى زاڭ دا قىزىق قوي. ادامداردىڭ جۇمىسى التىدا اياقتالادى، بالا-باقشالار دا التىعا دەيىن جۇمىس ىستەيدى. قالاي الىپ قاراساڭ دا زاڭدى بۇزۋىڭا تۋرا كەلەدى. بالاڭدى بالا-باقشادان ۋاقتىلى الماساڭ اتا-انالىق قىزمەتىڭە جاۋاپسىز بولىپ سانالاسىڭ. جۇمىستان ەرتە شىعىپ كەتسەڭ، قىزمەتىڭنەن ايرىلاسىڭ. وسىنى قالاي شەشۋگە بولادى ەكەن؟! ۇرى-قارى قاپتاعان زاماندا قيىن بولدى عوي.

ەرقانات كوپجاسار

Facebook-تەگى پاراقشاسىنان