نە ماسقارا؟ سۇمدىق؟ دەپ جاڭالىقتى بولىسكەننەن ءار وڭىردەگى جۇكتى بولعان وقۋشى قىزدار قايتادان قىز قالپىنا تۇسپەيدى.

ءبىز سالدارىمەن ەمەس، سەبەبىمەن كۇرەسۋ كەرەكپىز. نە ءۇشىن جۇكتى بولدى؟ وعان نە سەبەپ؟ مىنە الدىمەن وسىنى انىقتاۋ كەرەك. قىز الدانىپ قالدى ما؟ ەندەشە قىزعا الدانباۋ جولىن ۇيرەتۋ كەرەك. الدانباي، ناپسىقۇمارلىقپەن بولدى ما؟ نەكەسىز توسەك قاتىناسىنا بارۋدىڭ اۋىر كۇنا ەكەنىن ءتۇسىندىرۋ كەرەك. اتا-اناسى ۇيىندە، ال اقساقالدار مەكتەپ-مەكتەپتى ارالاپ اقىلدارىن ايتۋ كەرەك. جاۋاپتى مەكەمەلەر قاعاز، وتچەت ءۇشىن ەمەس سول وقۋشىلاردىڭ تۇسىنىگىنىڭ ارتۋىنا بار كۇشىن سالۋ كەرەك. دەپۋتاتتار دا كەزدەسۋ كەرەك وقۋشىلارمەن. ونەر ادامدارى مەن سپورت جۇلدىزدارى دا مەكتەپتەرگە بارىپ، اقىل كەڭەس ايتۋ كەرەك. سەبەبى وقۋشىلار ونەر جۇلدىزدارىنا ەلىكتەيدى، كەيدە اتا-اناسىنىڭ ايتقانىنان سولاردىڭ ايتقانى وتىمدىرەك بولادى. سانىن اشقان، ەمشەگىن كورسەتكەن انشىلەردى ايتىپ تۇرعانىم جوق، سايات، مەيرامبەك، ساكەن، دوسىمجان، بەكجان تۇرىس، بالعىنبەك يماش ت.ب ونەردەگى اعالار اقىلىن تىڭداتۋ كەرەك. جان-جاقتان بار كۇشتى سالىپ وقۋشىلاردى بۇل قاسىرەتتەن امان الىپ قالۋ شارت. بۇل ادامدىق بورىشىمىز، بابالار اماناتى. وقۋشى قىزدارعا دەگەن جاناشىرلىعىمىز رەيتينگ قۋعان سايتتارداعى اقپاراتتى بولىسۋمەن شەكتەلىپ قالماسىنشى...

بەرىك سۇلتان

Facebook-تەگى پاراقشاسىنان