18 شىلدە كۇنگى الماتىدا ورىن العان وقيعادا قازا بولعان پوليتسيا سەرجانتى ماقسات سالىمباەۆتى جەرلەۋ ءراسىمى جامبىل اۋدانى قاراقىستاق اۋىلىندا ءوتتى. وعان الماتى وبلىسىنىڭ اكىمى اماندىق باتالوۆ قاتىسىپ، مارقۇمنىڭ وتباسىنا كوڭىل ايتتى.

وسى كۇنى قاراقاستەك اۋىلىندا ماقسات قاناعاتۇلىن سوڭعى ساپارعا شىعارىپ سالۋعا ارنالعان قارالى ميتينگ ءوتىپ، وندا الماتى وبلىسىنىڭ اكىمى اماندىق باتالوۆ لاڭكەستىك ارەكەتتەردى ايىپتاي وتىرىپ، قوعامنىڭ قاۋىپسىزدىگى ءۇشىن قىزمەتتىك بورىشىن وتەۋ جولىندا قۇربان بولعان ازاماتتاردىڭ ەرلىكتەرى ەلجاندىلىقتىڭ، وتانسۇيگىشتىكتىڭ جارقىن ۇلگىسى بولاتىن اتاپ ءوتتى.

«جاس ءومىرى قىرشىن كەتكەن ماقسات تاۋەلسىز ەلدىڭ تىرەگى، قورعانى بولدى، سونىڭ ارقاسىندا ماقسات قانشاما بەيبىت تۇرعىنداردىڭ ءومىرىن ساقتاپ قالدى. ونىڭ ەسىمى تاۋەلسىز قازاقستان تاريحىندا التىن ارىپتەرمەن جازىلىپ قالارى ءسوزسىز»، - دەدى وبلىس اكىمى ءوز سوزىندە.

قارۋلى شابۋىل وقيعاسىنان كەيىن ەلباسىنىڭ مەملەكەتتىك ورگاندارعا شۇعىل تاپسىرمالار بەرگەنىن تىلگە تيەك ەتىپ، سوعان وراي ماقسات سالىمباەۆتىڭ وتباسىنا قاراساي اۋدانىنداعى «اسىل ارمان» تۇرعىن ءۇي كەشەنىنەن ەكى بولمەلى پاتەر بەرۋ تۋرالى شەشىم قابىلدانعانىن ايتىپ، جاڭا باسپانانىڭ كىلتىن تابىستادى.

«ارينە، بۇل قايعىنىڭ ورنىن تولتىرا المايدى، دەگەنمەن دە، ورنىندا بار وڭالار دەگەن. ارتىندا قالعان بالالارى، اعايىن-تۋىسى، ەل-جۇرتى امان بولسىن دەپ تىلەيمىز»، - دەدى ءسوزىنىڭ سوڭىندا ا. باتالوۆ.

سونىمەن قاتار الماتى قالاسى اكىمدىگىنىڭ وكىلى ماقسات يساقوۆ، الماتى قالالىق ىشكى ىستەر دەپارتامەنتى باسشىسىنىڭ ورىنباسارى، پوليتسيا پولكوۆنيگى عازيز نۇرقاەۆ، ماقساتتىڭ تۋىستارى اتىنان مۇراتحان جامبىلوۆ ءسوز الدى.

ەستەرىڭىزگە سالا كەتسەك، ماقسات سالىمباەۆ الماتى قالاسى ىشكى ىستەر دەپارتامەنتى اۋەزوۆ اۋداندىق جول-پاترۋلدىك پوليتسياسىندا قىزمەت اتقارعان، وتباسىلى، ءبىر قىزى بار. ءبىر ءۇيدىڭ ۇلكەنى، وزىنەن كەيىن باۋىرلارى ءوسىپ كەلەدى.

Abai.kz