«ەكى كۇدىكتى ۇستالدى، بىرەۋى تەرگەۋ اباقتىسىندا، ال ەكىنشىسى ءۇي قاماۋىندا وتىر. تەرگەۋ 170 ميلليون دوللاردىڭ شەتەلگە قانداي ادىسپەن شىعارىلعانىن انىقتاپ جاتىر. ۇستالعانداردىڭ ءبىرى 2004-2016 جىلدارى قارجى مينيسترلىگىندە جۇمىس ىستەگەن. ەكىنشىسى سونىڭ سىبايلاسى بولعان»، - دەپ حابارلادى «ازاتتىققا» قارجى پوليتسياسىنىڭ ءباسپاسوز حاتشىسى ازامات شەيشەەۆ.

ۇستالعاندارعا قارسى زاڭسىز كاسىپكەرلىك جانە زاڭسىز كىرىستى زاڭداستىرۋ قىلمىستارى بويىنشا قىلمىستىق ءىس قوزعالدى. تەرگەۋ مالىمەتى بويىنشا، قاراجات 2011-2016 جىلدار ارالىعىندا «ماناس» اۋەجايى ارقىلى رەسەيگە شىعارىلىپ وتىرعان. قىلمىستىق سحەماعا بىرقاتار كوممەرتسيالىق بانكتەردىڭ دە قاتىسى بولۋى مۇمكىن.

كۇدىكتىلەردىڭ ەسىمدەرى تەرگەۋگە كەدەرگى بولماس ءۇشىن اتالماي وتىر. بىراق قارجى مينيسترلىگىنىڭ ءباسپاسوز حاتشىسى گۇلميرا تۋگولباەۆا كۇدىكتىلەردىڭ ءبىرىنىڭ مينيسترلىكتەگى جۇمىستان كەتكەنىنە جارتى جىل بولعانىن ايتقان.

«ەگەر ول قازىر وسىندا جۇمىس ىستەپ جۇرگەن بولسا، ءبىز ونىڭ ارەكەتىن ءوزىمىز تەرگەيتىن ەدىك. قارجى پوليتسياسى ونىڭ 2016 جىلدىڭ قاڭتارىنا دەيىنگى ارەكەتتەرىن عانا تەرگەيدى»، - دەدى تۋگولباەۆا. رەسەي اسىرىلىپ كەلگەن قاراجاتتىڭ كوزى ازىرگە بەلگىسىز. زاڭسىز جولمەن كەلگەن اقشانى شەتەلدەن قىرعىزستان ارقىلى وتكىزگەن دەگەن بولجام بار.

اباي-اقپارات