ول وسىلايشا رەسەي سىرتقى ىستەر ءمينيسترى سەرگەيا لاۆروۆتىڭ بۇۇ-نىڭ سيريا جونىندەگى ارنايى ەلشىسى ستاففان دە ميستۋرا سيرياارالىق كەلىسىم جۇرگىزۋ ءۇشىن تاراپتاردى شاقىرماي وتىر دەگەن مالىمدەمەسىنە جاۋاپ قايتاردى.

دجون كيربيدىڭ سوزدەرىنشە، ەگەر رەسەي داماسكىگە ءوزىنىڭ ىقپالىن پايدالانىپ، باشار اسادقا بەيبىت تۇرعىندارعا جانە وپپوزيتسيالىق كۇشتەرگە وق اتۋىن توقتاتۋدى تالاپ ەتسە، ميستۋرانىڭ مىندەتى الدەقايدا قاراپايىم بولار ەدى.

"سىزدەر وپپوزيتسيالىق كۇشتەردى كەلىسسوزدەرگە قاتىسۋعا شاقىراسىزدار، بىراق سول ۋاقىتتا باشار اساد بيلىگى بەيبىت تۇرعىنداردى، اۋرۋحانالاردى بومبالاۋدى جالعاستىرىپ كەلەدى. مۇنداي كەزدە وپپوزيتسيانىڭ بىتىمگە كەلۋى ەكىتالاي", – دەپ مالىمدەدى دجون كيربي.

ونىڭ سوزىنشە، بەيسەنبىدە ماسكەۋگە باراتىن اقش-تىڭ مەملەكەتتىك حاتشىسى دجون كەرري جوعارى لاۋازىمدى تۇلعالاردى بەيبىت كەلىسسوز جاعدايىن قۇرۋعا شاقىرادى. ۆاشينگتون دجون كەرريدىڭ ماسكەۋگە ساپارى ءبىر جاعىنان رەسەيدىڭ تەرروريستىك ۇيىمدارمەن بىرلەسىپ كۇرەسۋ تۋرالى مالىمدەمەسىنىڭ شىنايىلىعىن ءارى سيريادا سوعىستى اياقتاپ، پليۋراليستىك مەملەكەت قۇرۋعا قانشالىقتى نيەتتى ەكەندىكتەرىن سارالاۋعا مۇمكىندىك بەرەدى دەپ وتىر.

1 تامىزدا جەنەۆادا رەسمي داماسك مەن ۇستامدى وپپوزيتسيا اراسىندا كەلىسسوزدەر قايتا جاڭارۋ كەرەك. الايدا وپپوزيتسيا وكىلدەرى ۇكىمەت ءبىتىم شارتىن ورىندامايىنشا، كەلىسسوز ۇستەلىنە وتىرۋدان باس تارتادى.

اباي-اقپارات