«دۋشانبە اكۆاپاركىنىڭ» قۇرىلىسى قايتا جالعاستى
دۋشانبە قالاسى قۇرىلىس باسقارماسىنىڭ وكىلى پارۆيز امينوۆ، وزودي راديوسىنا بەرگەن سۇحباتىندا، جوبانىڭ جالپى قۇنى 83 ميلليون سوموني ەكەنىن ايتقان. ونىڭ 28 ميلليونىن تاجىكستان سالسا، قالعان 55 ميلليوندى يتاليالىق تاراپ قۇيادى.
جوبا بويىنشا، ويىن-ساۋىق كەشەنى ەرەسەكتەر مەن بالالارعا ارنالعان التى ءىرى باسسەيننەن جانە 34 ءتۇرلى اتتراكتسيونداردان، ءۇش قاباتتى اكىمشىلىك عيماراتىنان، اسحانا مەن كيىم اۋىستىراتىن بولمەدەن تۇرادى. پارۆيز امينوۆتىڭ ايتۋىنشا، 2 گەكتار جەرگە ورنالاسقان اكۆاپارك تاجىكستانداعى جالعىز ءارى ەڭ ءىرى ويىن-ساۋىق مەكەنى بولماق.
اباي-اقپارات
