زاڭدارعا تۇزەتۋلەر پاكەتى "مالىمەت بەرمەۋشىلىك" جانە جاپپاي تارتىپسىزدىككە قاتىسۋعا "بەيىمدىلىك" ارەكەتى ءۇشىن قىلمىستىق جازا ەنگىزۋدى قاراستىرادى. بۇعان قوسا، بايلانىس وپەراتورلارى كليەنتتەرىنىڭ تەلەفونمەن اڭگىمەلەرىن جانە حابارلامالارىن جازىپ الىپ، ساقتاپ قويۋعا مىندەتتى.

ادام قۇقىعىن قورعاۋشىلار مەن وپپوزيتسيالىق ساياساتكەرلەر "ياروۆا – وزەروۆ پاكەتىنە" قارسى شىعىپ، بۇل قۇجاتتىڭ "تەرروريزممەن كۇرەسكە ەمەس، ازاماتتاردىڭ قۇقىقتارى مەن ەركىندىكتەرىن شەكتەۋگە باعىتتالعانىن" باسا ايتتى.

زيالىلار كونگرەسىندەگىلەر جاڭا زاڭ ەرەجەلەرى كونستيتۋتسياعا قايشى كەلەتىنىن اتاپ ءوتتى. ادام قۇقىقتارى جونىندەگى پرەزيدەنت كەڭەسى دە "انتيتەررورلىق پاكەتتى" كەرى قايتارۋعا كەڭەس بەردى.

"ياروۆا – وزەروۆ پاكەتىن" قابىلداۋدىڭ زياندى تۇستارىن بايلانىس وپەراتورلارى دا مالىمدەدى. ولاردىڭ ايتۋلارىنشا، جاڭا مىندەتتەلەرگە بايلانىستى ۇيالى بايلانىس قىزمەتىنىڭ باعاسى كەم دەگەندە ەكى-ءۇش ەسەگە ءوسۋى مۇمكىن.

اباي-اقپارات