قازىر ءدىن تۋرالى جازبايتىن ادام جوق سەكىلدى. بىلگەن دە، بىلمەگەن دە بىردەڭە دەپ ايتۋ كەرەك دەپ ۇعاتىنداي.

سالافيزمگە تيىم سالدىرامىز دەگەن ۇراننىڭ استارىندا اركىم ءوز توبىن ءداستۇرلى يسلام دەگەن بۇركەنشىك اتپەن ناسيحاتتاپ جاتقانى اڭعارىلادى. مەنىڭشە، تەك سالافتارعا عانا ەمەس، جالپى ءدىني باسقارمانىڭ ۇستانىمىمەن كەلىسپەيتىن توپتاردىڭ بارىنە تيىم سالۋ كەرەك جانە وسى الەۋمەتتىك جەلىلەردە ءدىني تالاس تۋدىراتىن ادامداردىڭ بارىنە شارا قولدانىپ، تيىم سالىنباسا قازاقتى بولشەكتەۋ توقتامايتىن سەكىلدى.

ءدىني باسقارمادا وتىرعان جىگىتتەر قازاقتى توزاققا جەتەلەمەيتىن شىعار، ءمۇفتيدىڭ ءپاتۋاسىنا توقتاۋ – ءۋاجىپ. ءوز باسىما سول دا جەتىپ جاتىر، ەگەر ءسىزدىڭ دىنشىلدىگىڭىز اسىپ بارا جاتسا وڭاشادا قۇلشىلىعىڭىزدى قىلا بەرىڭىز. پايعامبارىمىز (س.ع.س.) كوز جۇمعاننان باستاپ جالعاسىپ كەلە جاتقان بۇل تالاس ەشقاشان تولاستاعان ەمەس، تولاستامايدى دا. ەندەشە ونبەس داۋدى قۋا بەرگەننەن نە شىعادى؟!

نۇرتاي ەرنازار

Facebook-تەگى پاراقشاسىنان