پرەزيدەنت حالىقتى ءپىتىر-ساداقاسىن، شاريعاتقا سايكەس، جەتىم-جەسىرلەرگە، مۇگەدەكتەرگە، جاعدايى جوق وتباسىلارعا، قاراۋسىز قالعان جاندارعا ۇلەستىرۋگە شاقىردى، بۇعان قوسا وسى ساناتتاعى ادامداردىڭ ساداقا بەرۋدەن بوساتىلاتىنىن باسا ايتتى.

مەملەكەت باسشىسى وسى قاۋلىسى ارقىلى جەرگىلىكتى اتقارۋشى ورگاندار مەن ءدىني بىرلەستىكتەرگە رامازان مەرەكەسى قارساڭىندا قايىرىمدىلىق شارالارىن ۇيىمداستىرۋدى تاپسىردى.

ءدىن ىستەرى جونىندەگى كوميتەتكە، ۇلەمدەر كەڭەسىنە، يسلامتانۋ ورتالىعىنا، تەلەۆيدەنيە جانە راديوتاراتىلىم جونىندەگى كوميتەتكە جانە باق-قا حالىق اراسىندا ءپىتىر-ساداقا ۇلەستىرۋدىڭ تۇپكى ماقساتىن ءتۇسىندىرۋ جۇمىستارىن جۇرگىزۋ جۇكتەلدى.

بۇعان دەيىن تاجىك شەنەۋنىكتەرى رامازان ايىندا زەكەتتى جاعدايى جوق وتباسىلارعا، جەتىمدەرگە، قاراۋسىز قالعان جاندارعا بەرۋى مىندەت دەپ شەشىلگەن ەدى. ەسەپتى ولار تاجىكستان پرەزيدەنتى اكىمشىلىگىنە تاپسىرۋلارى قاجەت. بۇعان قوسا، شەنەۋنىكتەر، يمام-حاتيبتەر جانە كاسىپكەرلەر وتباسى مۇشەلەرىنىڭ ءتىزىمى مەن بەرگەن زەكەتىنىڭ ەسەبىن اكىمشىلىككە جولدايدى.

اباي-اقپارات