بەيسەنبى, 28 قاڭتار 2021
كاسىپ-ءتۇبى ءناسىپ 3366 0 پىكىر 4 شىلدە, 2016 ساعات 12:36

جەردىڭ ءىرى يەلەنۋشىلەرى تۋرالى اقپاراتتى اشىق جاريالاۋ قيىنداۋ بولادى

قىزىلوردا وبلىسىندا وتكەن جەر رەفورماسى بويىنشا قوعامدىق كوميسسيانىڭ وتىرىسىندا جۋرناليست جاناربەك ءاشىمجان ءىرى جەر يەلەنۋىشىلەرى تۋرالى اقپاراتتى اشىق تۇردە جاريالاۋ ماسەلەسىن كوتەردى. سەبەبى رايىمبەك اۋدانىنىڭ وزىندە بارلىق جەردى ءتورت-اق ادام ءبولىپ العان. «ەل قىستاۋدان جايالاۋعا كوشە المايدى. جولعا دەيىن مەنشىكتەپ العان»، — دەيدى ج.ءاشىمجان، دەپ حابارلايدى Baq.kzء تىلشىسى.

ايتا كەتەيىك، وسىدان ەكى اپتا بۇرىن الماتى وبلىسىندا وتكەن كوميسسيا وتىرىسىندا وسى ماسەلەنى ەكونوميست عالىم، پروفەسسور كەنجەعالي ساعاديەۆ تە كوتەردى.

ء«اي، وسى 1,3 ملن. گەكتاردى ساتتىق. كىمگە ساتتىق؟ كىمدەر ولار؟ قانشا جەرلەرى بار؟ ولار نە ىستەپ جاتىر؟ قايدا تۇرادى؟ وسى تۋرالى ءبىر اقپارات بار ما؟ جوق پا؟ ەگەر وسىنىڭ بارلىعى دۇرىس بولسا، ارى قاراي ساتۋعا بولادى. ال ەگەر بۇنىڭ ىشىندە كوپتەگەن بۇرمالاۋشىلىقتار بولسا، وندا جابىلۋ قازان جابۋلى، جەردى ساتپاي، ەڭ كەمى، ءماراتوريدى 10 جىلعا ۇزارتىپ جىبەرۋ كەرەك»، — دەدى ك.ساعاديەۆ.

كوميسسيانىڭ بۇگىنگى وتىرىسىندا اۋىل شارۋاشىلىعى ءمينيسترى ءارى ۇكىمەت باسشىسىنىڭ ورىنباسارى اسقار مىرزاحمەتوۆ وسى ساۋالعا جاۋاپ بەردى.

«بۇل ماسەلە بۇعان دەيىنگى وتىرىستاردا دا كوتەرىلگەن. ال، ەندى، ول ءتىزىم ء(ىرى جەر يەلەنۋشىلەرى – اۆت.) قازىر مىنە تولىق انىقتالۋعا جاقىن. بىراق بۇل جەردە ءبىر ماسەلە بار. ءبىز ەندى زاڭدى دا ەسكەرۋىمىز قاجەت. زاڭدى دا قۇرمەتتەۋىمىز كەرەك. زاڭدى ايتىلعان، ول مەنشىك يەسەنىڭ كەلىسىمى بولسا، سوندا عانا ونى جاريالاۋعا بولادى، ياعني ول جەردە بەلگىلى دارەجەدە شەكتەۋ بار. قازىر ءبىز سول جونىندە كەلىسىپ جاتىرمىز. ەگەر ولاردىڭ كەلىسىمى بولعان جاعدايدا ونى جاريالاۋعا بولادى. ال ەگەر كەلىسىم بولماعان جاعدايدا زاڭ جاعىنان بەلگىلى ءبىر پروبلەمالار تۋىنداۋى دا مۇمكىن»، — دەيدى ا.مىرزاحمەتوۆ.

ايتا كەتەيىك، بۇگىنگى وتىرىستى اشقان كوميسسيا توراعاسى اسقار مىرزاحمەتوۆ بۇعان دەيىن وتكەن كەڭەستەر جايىندا ايتا كەلە: «وتكەن جولى دا ناقتى شەشىمدەردى جاساۋعا قاتىستى بىراق ۇسىنىستار ايتالدى. سوندىقتان بۇگىنگى وتىرىستا ناقتى شەشىمدەردى جاساپ، پاتۋاعا كەلەيىك دەگەن ۇسىنىس بار. اۋىل شارۋاشىلىعى مينيسترلىگى ءوز تاراپىنان ءتيىستى شەشىمدەردى ازىرلەپ قويدى»، — دەپ اتاپ كورسەتتى.

Abai.kz

0 پىكىر