"سوڭعى جيىرما جىل بويىندا ءبىزدىڭ يمميگراتسيالىق جۇيەنىڭ بۇزىلعانى سونشالىق جوعارعى سوتتىڭ ءوزى شەشىم قابىلداي المادى، بۇل ءبىز ۇمتىلعان ماقساتتاردى ارتقا يتەرەدى", - دەدى ول.

وباما جوسپارى بويىنشا، قۇراما شتاتتاردا 2010 جىلدان بەرى زاڭسىز تۇرىپ جاتقان، سوتتالماعان، بالالارى بار 4 ميلليونداي ادامدى ارنايى باعدارلاما بويىنشا، دەپورتاتسيالاماي، ەلدە قالدىرىپ، ولارعا جۇمىس ىستەۋگە رۇقسات بەرۋ ەدى.

داۋىس بەرۋ كەزىندە سوت 4-تە 4 بولىپ ەكىگە ءبولىندى. بىراق پرەزيدەنتتىڭ ۇسىنىسى قابىلدانبادى. بۇل وبامانىڭ پرەزيدەنتتىك ورىنتاعىنان كەتۋىنە جەتى اي قالعاندا جوسپارىنىڭ جۇزەگە اسپاۋى، رەسپۋبليكاشىل پارتيا ءۇشىن ۇلكەن جەڭىس بولدى.

جوعارى سوتتىڭ شەشىمى 2015 جىلى سوتتىڭ تومەنگى ينستانتسياسىنىڭ شەشىمىن كۇشىندە قالدىردى دەگەندى بىلدىرەدى.

اباي-اقپارات