استانادا تاعى دا اۋىس-ءتۇيىس. بۇگىن باس قالانىڭ باسشىسى بولىپ ەندىگى ەكس-مينيستر اسەت يسەكەشەۆ تاعايىندالدى. اسەت ورەنتايۇلى وسىعان دەيىن قر ينۆەستيتسيا جانە دامۋ ءمينيسترى بولىپ قىزمەت اتقارىپ كەلگەن بولاتىن.

مەملەكەت باسشىسى نۇرسۇلتان ءابىشۇلىنىڭ ارنايى جارلىعىندا ەكس-ءمينيستردى استانا قالاسىنىڭ اكىمى لاۋازىمىنا تاعايىنداۋ تۋرالى ايتىلعان.

«يسەكەشەۆ اسەت ورەنتايۇلى استانا قالاسىنىڭ اكىمى بولىپ تاعايىندالسىن جانە قر ينۆەستيتسيا جانە دامۋ ءمينيسترى قىزىمەتىنەن بوساتىلسىن»،-دەلىنگەن پرەزيدەنت جارلىعىندا.

اسەت يسەكەشەۆ استانا قالاسىنىڭ اكىمى ادىلبەك جاقسىبەكوۆتىڭ ورىنتاعىنا وتىرىپتى.

ال يسەكەشەۆ مىرزانىڭ ورنىنا ۇلكەن وسىعان دەيىن «كرەسلولاردان» كورىنبەسە دە، كوپ شەندىنىڭ كومەكشىسى بولىپ جۇرگەن جەڭىس قاسىمبەك مىرزا وتىرىپتى.

ال ەكس-اكىم ادىلبەك رىسكەلدىۇلى پرەزيدەنتتىڭ پارمەنىمەن قر پرەزيدەنتى اكىمشىلىگىنىڭ جەتەكشىسى بولىپ تاعايىندالعان. ەستەرىڭىزدە بولسا، جاقسىبەكوۆ مىرزا «جاقسىلى-جاماندى» بۇل قىزمەتتى وسىعان دەيىن ءبىر مارتە اتقارىپ كورگەن ەدى.

بۇگىن قر پرەزيدەنتىنىڭ بۇيرىعىمەن قر پرەزيدەنتى اكىمشىلىگىنىڭ جەتەكشىسى بولىپ كەلگەن نۇرلان زايروللاۇلى قر ءماجىلىسىنىڭ دەپۋتاتى بولىپ سايلانعان ەدى.

قازاقستاندىق ساياساتتانۋشىلار نۇرلان نىعماتۋليننىڭ كادرلىق كەرى شەگىنىسىنە ءتۇرلى باعا بەرىپ، بولجامدار ايتتى. ساياساتتانۋشىلار نۇرلان نىعماتۋليننىڭ قر پارلامەنتى ءماجىلىسىنىڭ «سپيكەرى» بولۋى مۇمكىن ەكەندىگىن دە ايتقان.

اقوردا قابىرعاسىنداعى «شاحماتتىق» ءجۇرىستىڭ دە سىرى اشىلدى، بۇگىن. قر مەملەكەت باسشىسى بۇگىن نۇرلان نىعماتۋليندى ءماجىلىستىڭ جاڭا «سپيكەرى» ەتىپ تاعايىنداۋدى ۇسىنىپتى. ال قازىرگى «سپيكەر» باقتىقوجا اقساقال ىزمۇحاپمبەتوۆ  رەسپۋبليكالىق اقساقالدار القاسىنىڭ توراعالىعىنا اۋىستى.  پارلامەنتتەگى زەينەت جاسىندا دەپۋتاتتىڭ ءام توراعانىڭ قىزمەتتىك وكىلەتتىلىگىن ەلباسىنىڭ ءوزى 2018 جىلعا دەيىن ۇزارتىپ بەرگەن بولاتىن.

بۇگىنگى تاعايىنداۋ قازاقستاننىڭ ىشكى ساياسي جۇيەسىندە ۇلكەن وزگەرىستەردىڭ ورىن الاتىندىعىن اڭعارتا ما؟ بۇل ء«جۇرىس» وسىعان دەيىن كوپ ايتىلىپ كەلگەن «پارلامەنتتىك باسقارۋ» جۇيەسىنە ءوتۋدىڭ العاشقى باسپالداقتارى بولۋى مۇمكىن بە؟

نۇرزات توعجان

Abai.kz