بۇعان جاۋاپ رەتىندە سولتۇستىك اتلانتيكا وداعىنىڭ باسشىسى رەسەيمەن قارىم-قاتىناستا ەكى قۇرال دا - اسكەري دايىندىق جانە ساياسي ديالوگ كەرەك دەپ جاۋاپ بەردى.

ءۇش كۇن بۇرىن پولشادا "سۋىق سوعىستان" كەيىن جۇرگىزىلگەن ناتو-نىڭ كەڭ كولەمدى ءىرى جاتتىعۋلارى اياقتالدى. شىلدە ايىنىڭ باسىندا ۆارشاۆادا ناتو ءسامميتى باستالادى. وسىنىڭ اياسىندا گەرمانيا ءسىم باسشىسى ناتو-نىڭ ارەكەتىن سىناپ، بەرلين ماسكەۋگە قاتىستى قازىرگى ۇستانىمىنان باس تارتۋى مۇمكىن دەپ مالىمدەگەن.

ازات ەۋروپا /ازاتتىق راديوسىنا سۇحبات بەرگەن يەنس ستولتەنبەرگ ء"بىز قاقتىعىستىڭ الدىن الۋ ءۇشىن قورعانىستى كۇشەيتۋىمىز كەرەك، بىزگە قىسىمدى باسەڭدەتۋ ءۇشىن ساياسي ديالوگ تا قاجەت. ناتو-عا مۇشە 28 ەلدىڭ ءبارى وسى ۇستانىمدى قولدايدى. مەن گەرمانيانىڭ ديالوگ كەرەك دەگەنىن قولدايمىن، ءارى گەرمانيانىڭ شىعىستا اسكەردى كۇشەيتۋگە ۇلەسىن قوسۋىن دا قالايمىن" دەدى.

"رەسەي 2000 جىلدان بەرى العان اسكەري تەحنيكاسىنىڭ ءبارىن پايدالانىپ، قازىر زاماناۋي تەحنيكالاردى قولدانىپ، ۋكراينانىڭ تاۋەلسىزدىگىنە قارسى قول سالىپ جاتىر. وسىنىڭ ءبارى ءبىزدىڭ ۇجىمدىق قاۋىپسىزدىگىمىزدى كۇشەيتۋگە سەبەپ بولىپ وتىر", - دەدى ستولتەنبەرگ سۇحباتىندا.

اباي-اقپارات