جۇما, 29 ناۋرىز 2024
كۇبىرتكە 5331 0 پىكىر 20 ماۋسىم, 2016 ساعات 09:01

تارازداعى وقيعا لانكەستىك ارەكەت پە؟

19 ماۋسىمدا تاراز قالاسىندا تاعى دا مىلتىقتىڭ ءۇنى ەستىلدى.  الدىمەن قالانىڭ 6-شى ىقشاماۋدانىنداعى 18-ءۇيدىڭ تۇرعىندارى ەۆاكۋاتسيالانعانى بەلگىلى بولدى. ارتىنشا پوليتسيا قىزمەتكەرلەرى مەن بەلگىسىز بىرەۋلەر اتىسقان. ەكى ادام اۋىر جاعدايدا اۋرۋحاناعا جەتكىزىلگەن.

بۇل وقيعادان كەيىن جامبىل وبلىستىق ءىىد ءباسپاسوز قىزمەتى 16.30-دا "بورىشكەر" جەدەل-ىزدەستىرۋ شاراسىن جۇرگىزۋ بارىسىندا پوليتسيا قىزمەتكەرى قارۋ-جاراق الىپ ءجۇرۋ دەرەكتەرىن انىقتاۋ بويىنشا تەكسەرىس جۇرگىزگەنى جونىندە اقپارات تاراتتى.  وندا "تارازدىڭ ىقشاماۋداندارىنىڭ بىرىندە بەلگىسىز بىرەۋ انىقتالماعان قارۋمەن پوليتسيا قىزمەتكەرىن اتقانى" حابارلانعان. قىلمىسكەردى قۇرىقتاۋ كەزىندە پوليتسيا قىزمەتكەرى مەن كۇدىكتى جاراقات العان. قازىرگى ۋاقىتتا ەكەۋى دە اۋرۋحاناعا جاتىر.

قازاقستان ىشكى ىستەر مينيسترلىگى تارازدا پوليتسيا قىزمەتكەرى زارداپ شەككەنى تۋرالى اقپاراتتى راستادى.

وسى ءبىر قىلمىس جايلى اقپارات تاراي سالا "مۇنى تاعى دا ءدىني ەكسترەميزممەن ۋلانعان لانكەستەر جاساعان جوق پا؟" دەگەن اڭگىمەلەر ايتىلا باستادى.

پوليتسيانىڭ مالىمەتىنشە، اتىس كەزىندە جاراقات العان جىگىت بۇرىن سوتتى بولعان. ءىىد ءدىني ەكسترەميزممەن كۇرەس جونىندەگى باسقارمانىڭ ەسەبىندەگى مالىمەت بويىنشا، كۇدىكتى ءدىني ەكسترەميست ەمەس. 

"قازىرگى ۋاقىتتا وقيعانىڭ ءمان-جايىن انىقتاۋ جانە وقيعاعا قاتىسقانداردى انىقتاۋ ماقساتىندا جەدەل-ىزدەستىرۋ شارالارى ءجۇرىپ جاتىر. وقيعانىڭ جاي-جاپسارى انىقتالاتىن بولادى", - دەپ حابارلادى ءىىد وكىلدەرى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3597