ۇلىبريتانيادا پارلامەنتتەگى لەيبوريستەر پارتياسىنىڭ دەپۋتاتى دجو كوكس انگليانىڭ سولتۇستىگىندە ليددس قالاسىندا جاسالعان شابۋىلدان قايتىس بولدى.

23 ماۋسىمدا وتەتىن رەفەرەندۋم قارساڭىندا ەلدە ءجۇرىپ جاتقان ەۋرووداققا مۇشە بولۋدى جاقتاۋشىلار جانە قارسىلاردىڭ ۇگىت-ناسيحاتتارى ۋاقىتشا توقتاتىلدى.

ال دەپۋتاتتىڭ ولىمىندە قانداي دا ءبىر ساياسي استار ازىرگە جوق دەلىنەدى. 52 جاستاعى كۇدىكتى ۇستالعان، اتى-ءجونى ازىرگە اتالمايدى.

16 ماۋسىمدا كۇندىز دجو كوكستى كوشەدە كەتىپ بارا جاتقان جەرىنەن اتىپ كەتكەن، ول قۇلاپ تۇسكەن ساتتە، دەنەسىنە بىرنەشە جەردەن پىشاق سالعان.

ۇلىبريتانيا پرەمەر-ءمينيسترى دەۆيد كەمەرون وقيعانى تراگەديا دەپ باعالاپ، گيبرالتارعا ساپارىن توقتاتتى. وندا ول ۇلىبريتانيانىڭ ەۋرووداققا مۇشەلىگىن قورعاپ ءسوز سويلەۋى كەرەك ەدى.

اباي-اقپارات