جازۋشىنىڭ "مەندىگى"
ءبىزدىڭ ۋنيۆەرسيتەتتە ءدارىس بەرەتىن تانىمال ادەبيەتشى، پروفەسسور رەسەيدىڭ قازىرگى «مودنىي جازۋشىلارىنىڭ» ءبىرى ۆيكتور پەلەۆين تۋرالى بىرنەشە عىلىمي ماقالا جازعان. ال كىتابىنىڭ جارتىسى پەلەۆين جايلى. پەلەۆيندى سول ۇستازىمىز رۋدن-گە جاس ادەبيەتشىلەرمەن كەزدەسۋگە ءۇش رەت شاقىرىپ، كەلتىرە المادى. پەلەۆين ول كىسىنىڭ ءوزى تۋرالى ماقتاپ جازعان ماقالالارىن بىلمەيدى ەمەس، بىلەدى.
ال بىزدە ءبىر ادەبيەتشى ءبىر جازۋشى تۋرالى ماقالا جازىپ، كەيىننەن سول جازۋشى ادەبيەتشىنىڭ ءوتىنىشىن ورىنداماسىنشى، دۇشپان تاۋىپ الادى. ال پروفەسسور پەلەۆيننىڭ شىعارماشىلىعى تۋرالى لەكتسيا وقىپ، ونى جارنامالاۋىن قويار ەمەس.
مەن «قازاقبايشىلىققا» سالىپ:
– پەلەۆيننىڭ بۇل ارەكەتى نامىسىڭىزعا تيمەدى مە؟ – دەپ دۇڭك ەتكىزدىم. پروفەسسور: – جاقسى جازۋشىنىڭ «مەندىگى»، ءوزىن-ءوزى باعالاۋى ادەبيەتشىنىڭ «مەندىگىنەن» بيىك بولسا، بۇل جاقسى ەمەس پە، مەنىڭشە، وتە جاقسى، – دەپ جىميدى.
مەن ادەپسىزدەۋ سۇراعىم ءۇشىن، ءتىپتى دە، قىسىلمادىم. سەبەبى، پروفەسسوردىڭ تانىمى، تۇسىنىگى، جاۋابى مەنىڭ مەنتاليتەتىمە مۇلدەم «جات» ەدى.
(ەكى جىل بۇرىن جازعان جازبام ەكەن)
اياگۇل مانتاەۆا
Facebook-تەگى پاراقشاسىنان
