ۇكىمەت باسشىسى ك.ءماسىموۆ زەينەتاقى قورىنىڭ قاراجاتىن دۇرىس پايدالانۋ ءۇشىن زەينەتاقى قورىنىڭ باسشىلارىن تىڭداۋعا نيەت ءبىلدىردى. بۇل تۋرالى ۇكىمەت باسشىسى «اتامەكەن» ۇكپ ءىىى سەزىندە سويلەگەن ءسوزى كەزىندە ايتتى.

«زەينەتاقى قورىنىڭ قارجىسىن پايدالنعاندا مەن ونى اكىمشىلىك تۇرعىدان پايدالانعاننان گورى، نارىقتىق تۇرعىدان پايدالانعان ءاردايىم ءتيىمدى دەپ ويلايمىن. ءبىز قازىر ول ءبىزدىڭ اقشامىز ەمەس، ءبىزدىڭ سالىمشىلارىمىزدىڭ، ءبىزدىڭ زەينەتكەرلەرىمىزدىڭ اقشاسى بولسا دا، ونى اكىمشىلىك تۇرعىدا جۇزەگە اسىرىپ جاتىرمىز»، - دەدى ك. ءماسىموۆ.

«زەينەتاقى قورىنىڭ باسشىلارىن تىڭداۋ كەرەك – اقشا قالاي پايدالانىلۋدا، قازىر قالاي، بۇدان ءارى قالاي داميمىز؟ وسى سۇراقتارعا جاۋاپ تاۋىپ، ورتاق پىكىرىمىزدى مەملەكەت باسشىسىنا ۇسىنۋىمىز كەرەك. سودان كەيىن مەملەكەت باسشىسى شەشىم قابىلدايدى»، - دەپ اتاپ ءوتتى پرەمەر-مينيستر.

اباي-اقپارات