اقتوبە قالاسىنىڭ ىرگەسىندە جالپى سانى التى جازعى دەمالىس لاگەرى بار. وسى دەمالىس ورىندارىنىڭ تەك بىرەۋىن - "دوستىق" لاگەرىن مەملەكەت قارجىلاندىرادى. قالعاندارى جەكەمەنشىكتە. مەنشىك تۇرىنە قاراماستان تەرروريستىك قاۋىپ دەڭگەيى "قىزىل" بولعان كەزدە بۇل لاگەردىڭ ءبىر دە بىرەۋى جۇمىس ىستەگەن جوق.

جاس تۋريستەر ستانتسياسىنا قاراستى "دوستىق" لاگەرىنىڭ العاشقى ماۋسىمىنا 140 وقۋشى جازىلىپ قويعان. بىراق لاگەر تەررورعا قارسى وپەراتسيالارعا وراي 6 ماۋسىم كۇنى جۇمىسىن باستاي الماعان.

- لاگەردى 15 ماۋسىم كۇنى اشامىز. بيىل دا بالالار جىلداعىداي 12 كۇن تىنىعادى دەپ جوسپارلاپ وتىرمىز. جۇمىس توعىز كۇنگە كەش باستالعاندىقتان ماۋسىمدار كەستەسى ىعىسادى، - دەيدى اقتوبە قالالىق جاس تۋريستەر ستانتسياسىنىڭ ديرەكتورى جاسۇلان جانايداروۆ.

اباي-اقپارات