جۇما, 29 ناۋرىز 2024
46 - ءسوز 6035 1 پىكىر 10 ماۋسىم, 2016 ساعات 11:32

ءمۇستافيننىڭ كوڭىلىنەن شىققان قىز

«جالىن» الماناعىنىڭ 1985 جىلعى №1 نومەرىندە كورنەكتى جازۋشى عابيدەن ءمۇستافيننىڭ جارىق كورگەن «قاراقتارىم» اتتى سوڭعى ارناۋ سوزىندە بىلاي دەپ جازعانى بار: «...ءبىر كۇنى اۆتوبۋستا كەلە جاتىپ قاتار وتىرعان ەكى ايەلگە كوزىم ءتۇستى. ءبىرىنىڭ جاسى جيىرما-وتىز ارالىعىندا، ەرنى قىزىل بوياۋ، كوزىنىڭ ءۇستى كوك بوياۋ، ۇزارتىلعان كىرپىكتەرى قارا بوياۋ، باشماعىنان شىعىپ تۇرعان باشپايىنىڭ تىرناقتارىن دا قىزىلمەن بوياپ تاستاعان، ومىراۋى اشىق، كويلەگى جەتپەيدى، جەتكەن جەرىنىڭ ءوزىن جاپقانى شامالى –سۇزگىدەي سيرەك ماتادان دەنەسى كورىنگەندەي. قاسىنداعىنىڭ جاسى وتىز-قىرىق ارالىعىندا. مۇنىڭ قۇمارى التىن ەكەن. ون ساۋساقتىڭ التىنسىزى بىرەن-ساران، قايسىبىرىنە ءتىپتى ەكى جۇزىكتەن كيىپتى... وسى ساتتە اۆتوبۋسقا ءبىر كەمپىر كىردى. كوتەرگەن سەبەتى بار، جوتەلەدى، ەنتىگەدى، جان-جاعىنا قارانىپ ورىن ىزدەيدى. الگى ەكى ايەل ءدال قاسىندا قالتاڭداپ ازەر تۇرعان كەمپىردى ەلەمەيدى. سول مەزەت سوڭعى جاقتا وتىرعان قاراقات كوز قىز ورنىنان اتىپ، تۇرىپ جۇگىرە باسىپ باردى دا، كەيۋانانى قولتىقتاپ اكەلىپ، ءوز ورنىنا وتىرعىزدى. 

- بۇل كىسى شەشەڭ بە، اجەڭ بە، شىراعىم؟ – دەپ سۇرادىم قىزدان.

- ەكەۋى دە ەمەس، تانىمايمىن، - دەدى قىز. سويلەگەن كەزدە ەكى بەتى قىزارىپ كەتەدى ەكەن. يبالىلىق دەگەن وسى. ءسىرا، مەنى تانىدى عوي دەيمىن، سالدەن كەيىن:

- ءسىزدى اۆتوبۋستا كورەم دەپ كىم ويلاعان. قانداي تاماشا بولدى،- دەدى باتىلسىزداۋ ۇنمەن.

- اۆتوبۋس – كوپتىڭ كولىگى. كوپپەن بىرگە بولۋ ابەس پە؟

ايالداماعا كەلىپ قالىپپىز. قىز ءسوزىن اياقتاي الماي، قوش ايتىسىپ ءتۇسىپ كەتتى. كىشكەنتاي قىلىعىمەن-اق ءبارىمىزدى ريزا عىپ كەتتى...».

**

ۇزىك ءۇزىندى ءبىراز نارسەنى اڭعارتقانداي بولدى. العاشقى كەلگەن وي: جازۋشىنىڭ كوڭىلىنەن شىققان يبالى قازاقتىڭ سول كەزدەگى تالدىرماش قىزى بۇگىندە قانداي انا، قانداي اجە بولىپ وتىر ەكەن؟ ۇرپاقتارى بار ما ەكەن؟! بىزدە قازىر ءبارى كەرىسىنشە بولىپ كەتكەن ءتارىزدى. بۇگىندە كولىككە مىنگەن قارتتارعا جاستار ەمەس، كوبىنەسە ورتا بۋىن وكىلدەرى ورىن ۇسىناتىن ءتارىزدى؟

ريمما جاقسىلىقباەۆا

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610