قازاقستاننىڭ ۇلتتىق قاۋىپسىزدىك كوميتەتى جۇما كۇنى، ياعني 10 ماۋسىمدا ءوزىنىڭ رەسمي سايتىندا اقتوبەدە لاڭكەستەردى ۇستاۋ بويىنشا ارنايى وپەراتسيانىڭ جالعاسىپ جاتقانىن حابارلادى. ۆەدومستۆو وكىلدەرىنىڭ مالىمەتىنشە، قىلمىسكەرلەر تاعى دا «قارۋلى قارسىلىق» كورسەتكەن.

«قر انتيتەرروريستىك ورتالىعى بيىل 10 ماۋسىمدا اقتوبە وبلىسىندا تەرروريزممەن كۇرەس جونىندەگى جەدەل شتاب اقتوبەدەگى تەررورلىق اكتىلەرگە قاتىسى بار ازاماتتاردى ۇستاۋ بويىنشا وپەراتسيا جۇرگىزىپ جاتىر. لاڭكەستەر بەرىلۋ تۋرالى ۇسىنىسقا قارۋلى قارسىلىق كورسەتتى. شارا جالعاسىپ جاتىر، ونىڭ ناتيجەسى قوسىمشا حابارلانادى. كۇشتىك فازا وتكىزۋ كەزىندە حالىقتىڭ قاۋىپسىزدىگى ساقتالدى»، — دەلىنگەن حابارلامادا.

ەسكە سالايىق، بيىل 5 ماۋسىمدا اقتوبەدە سالدارىنان ونداعان ادام قازا تاپقان تەراكت بولعان ەدى. قازاقستاندا تەررورلىق قاۋىپتىڭ سارى دەڭگەيى، ال اقتوبەدە قىزىل دەڭگەيى ەنگىزىلدى. شابۋىل جاساعان 13 ادام ءولتىرىلدى، تاعى تورتەۋى جارالاندى، ەندى التى ادام ىزدەۋدە ءجۇر.

اباي-اقپارات