رەسەيدىڭ سۋ-27 ۇشاعىنىڭ ۇشقىشى قازا تاپتى
رەسەيدىڭ قورعانىس مينيسترلىگى 9 ماۋسىمدا ماسكەۋ وبلىسىندا سۋ-27 جويعىشىنىڭ ۇشقىشى اپات كەزىندە قايتىس بولعانىن راستادى.
"ۇشقىش قايتىس بولدى، ۇشۋ اتىس جيىنتىعىنسىز ورىن العان. جەردە بۇلىنگەن ەشتەڭە جوق", – دەپ مالىمدەيدى رەسەيلىك اسكەري مەكەمەنىڭ ءباسپاسوز قىزمەتى.
الدىن دەرەككوز مالىمەتىنشە، ۇشاقتى مايور سەرگەي ەرەمەنكو باسقارعانى ايتىلعان.
سۋ-27 "رۋسسكيە ۆيتيازي" ۇشۋ ونەرى توبىنا كىرگەن. ۇشاق ماسكەۋ تۇبىندەگى پۋشكين اۋدانىندا رەسەي ۇشقىشتارىنا ورناتىلعان ەسكەرتكىشتىڭ اشىلۋ سالتاناتى كەزىندە ونەر كورسەتۋ بارىسىندا اپاتقا ۇشىراعان. اپات بولعان جەردە قورعانىس مينيسترلىگىنىڭ كوميسسياسى جۇمىس ىستەپ جاتىر.
اباي-اقپارات
