ارداقتى اعايىن، بۇگىن - جالپىۇلتتىق ازا تۇتۋ كۇنى.

ەڭ بولماسا، سودىرلاردىڭ سويقانىنان وققا ۇشقان ساردارلار مەن ساربازدار جانە قاراپايىم تۇرعىنداردىڭ ارۋاعى ءۇشىن الەۋمەتتىك جەلىدە جەلىكپەي، اۋىزعا سىيعاندى اتالاماي، تاماق ءىشتىم، دەپ تاباقتاي بەت پەن سپورت زالدامىن، دەپ ساندى جىلتىراتپاي، قايتا بەرەكە-بىرلىگىمىزدى نىعايتىپ، جىلى لەبىز، جاقسىلىق تىلەپ دۇعادا بولايىق! قاپىدا كوز جازىپ، بەيبىت كۇندە وپات بولعان ەل ازاماتتارىنا دۇعا باعىشتاپ، ارتىندا اڭىراپ قالعان اكە-شەشە، زار يلەگەن بالا-شاعا، قابىرعاسى قايىسقان تۋعان-تۋىستارى مەن اقتوبەلىكتەردىڭ قايعىسىمەن بولىسەيىك. اتام قازاق مۇندايدا: " قايعى بولىسسەڭ، ازايادى" دەمەۋشى مە ەدى. 

قاسيەتتى رامازان ايىندا جاپپار قۇداي مەرەيلى مەملەكەتىمىزگە كوز تىككەن كوكشۋلان ەلدەردىڭ ىرىتكىسىنەن ساقتاپ، ءدىن جولىندا ءۇيىرىن تاپپاي ساندالىپ، اداسقانداردى تۋرا جولعا سالعاي!

ىرگەمىز سوگىلمەسىن، كوك بايراعىمىز جىعىلماسىن! اۋمين!

المات ءابدىرامان

Facebook-تەگى پاراقشاسىنان