قۇقىق قورعاۋشىلار ەل پرەزيدەنتى وزدەرىنە قارسى ايتىلعان سوزدەرى ءۇشىن رەسمي تۇردە كەشىرىپ سۇراۋى كەرەك. ارىزدا كورسەتىلگەندەي، مورالدىق شىعىن رەتىندە ولار قىرعىزستان باسشىسىنان 2 ميلليون سوم تالاپ ەتەدى.

ەسكە سالا كەتەيىك، مامىر ايىنىڭ ورتاسىندا "حالىقتىق پارلامەنت" قوعامدىق بىرلەستىگىنىڭ جەتەكشىلەرى بيلىكتى كۇشپەن باسىپ الماق بولدى دەگەن ايىپپەن تۇتقىندالعان. 12 مامىردا "حالىقتىق پارلامەنتتىڭ" وتكىزگەن جيىنىنا قۇقىق قورعاۋشىلار ازيزا ابديراسۋلوۆا مەن تولەكان يسمايلوۆا دا قاتىسقان.

14 مامىردا انا كۇنىنە ارنالعان شارادا ەل پرەزيدەنتى المازبەك اتامباەۆ "حالىقتىق پارلامەنت" مۇشەلەرى ەلدەگى جاعدايدى شايقالتۋعا تىرىسىپ جاتىر دەپ مالىمدەپ، ال قۇقىق قورعاۋشىلاردى "شەتەلدىك گرانتتارىن ادال اتقارىپ ءجۇر" دەگەن ەدى.

وسىدان كەيىن قۇقىق قورعاۋشىلار پرەزيدەنتتىڭ اتىنا ارنايى ۇندەۋ جاريالاپ، كەشىرىم سۇراۋىن تالاپ ەتكەن. ولار "حالىقتىق پارلامەنت" وتىرىسىنان تەك عانا مونيتورينگ جۇرگىزگەندەرىن ايتادى.