حيللاري كلينتون سايلاۋعا تۇسۋگە قاجەتتى داۋىستى جينادى
اقش-تاعى پرەزيدەنت سايلاۋىنا دەموكراتيالىق پارتيا اتىنان ءتۇسۋ ءۇشىن كۇرەسىپ جاتقان بۇرىنعى مەملەكەتتىك حاتشى حيللاري كلينتون پارتيا سەزىندە دەلەگاتتاردىڭ قاجەتتى داۋىسىن جينادى.
Associated Press اگەنتتىگىنىڭ ەسەبى بويىنشا، وتكەن جەكسەنبىدە پۋەرتو-ريكودا بولعان پرايمەريزدى ەسەپكە العاندا كلينتوندا 2383 داۋىس بار، ونىڭ 571-ءى "سۋپەردەلەگاتتاردىڭ" داۋىستارى.
كلينتوننىڭ ۆەرمونت شتاتىنداعى قارسىلاسى سەناتور بەرني ساندەرس جەڭىمپازدى انىقتاۋ ءالى ەرتە ەكەنىن ايتادى. ول شىلدەدە وتەتىن دەموكراتتاردىڭ سەزىندە بەلگىلى بولاتىن نوميناتسيا ءۇشىن سوڭىنا دەيىن كۇرەسەتىنىن مالىمدەدى.
رەسپۋبليكالىق پارتيا اتىنان ليدەرلىكتى ميللياردەر دونالد ترامپ ساقتاپ كەلەدى.
اباي-اقپارات
