"بۇل شىندىققا جاناسپايدى. بۇل ۇيىم تۋرالى ەشقانداي اقپارات جوق. ەشقانداي تەكسەرىستەر دە ءجۇرىپ جاتقان جوق" دەدى مينيسترلىكتىڭ رەسمي وكىلى الماس سادۋباەۆ.

بۇعان دەيىن بىرقاتار باق-تا "اقتوبەدە 5 ماۋسىمدا بولعان شابۋىلدى "قازاقستاندى ازات ەتۋ ارمياسى" اتتى توپتىڭ موينىنا العانى" تۋرالى مالىمەت تاراعان ەدى.

6 ماۋسىم كۇنى قازاقستاننىڭ ىشكى ىستەر ءمينيسترى قالمۇحامبەت قاسىموۆ "قازاقستاندى ازات ەتۋ ارمياسى" تۋرالى سۇراققا تۇسىنىكتەمە بەرە المايتىنىن ايتقان.

وتكەن جەكسەنبىدە اقتوبەدە بەلگىسىز ادامدار ەكى قارۋ-جاراق دۇكەنىن توناپ، اسكەري بولىمگە شابۋىلداعان. رەسمي مالىمەت بويىنشا، شابۋىل مەن اتىستان بارلىعى 21 ادام مەرت بولدى. ولاردىڭ 13-ءى - شابۋىل جاسادى دەگەن كۇدىكتىلەر، سەگىزى - بەيبىت تۇرعىندار. قازاقستان بيلىگى شابۋىل جاساعاندار "راديكالدىق ءدىني توپ جاقتاستارى بولۋى مۇمكىن" دەگەن بولجام ايتادى.

شابۋىلدان سوڭ اقتوبەدە تەررورلىق قاۋىپ-قاتەردىڭ ەڭ جوعارعى "قىزىل سىزىعى" دەڭگەيى جاريالانعان. ال 6 ماۋسىمدا قازاقاستاندا 40 كۇن مەرزىمگە تەررورلىق قاۋىپ-قاتەردىڭ "سارى دەڭگەيى" جاريالانعان.

اباي-اقپارات