شىڭعىرلاۋ بەكەتىندە شەكاراشىلار مەنىڭ قۇجاتتارىمدى تەكسەرىپ: «سىزگە شەتەلگە شىعۋعا بولمايدى، مويىنىنىزدا ايىپپۇل بار سياقتى» دەپ، مەنى پوەزدان ءتۇسىرىپ تاستادى.

مەنىڭ: «مەن رەسەيگە ەمەس، الماتىعا بارا جاتىرمىن عوي» دەگەن سوزىمە: «جولشىباي رەسەيدىڭ ىشىنە كىرىپ-شىعاسىز، سوعان رۇقسات جوق» دەگەن ءۋاج ايتتى.
ارنايى حاتتاما دا تولتىردى.

بىراق، كەيىنىرەك اتىقتالعانىنداي، ينتەرنەتتەگى شەتەلگە شىعا المايتىن ازاماتتاردىڭ تىزىمىندە مەنىڭ اتى-ءجونىم جوق بولىپ شىقتى. سوندا بۇل قانداي باسسىزدىق؟!. بۇل باسسىزدىققا شەكارا اسكەرلەرى قىزمەتىنىڭ باسشىسى جاۋاپ بەرە الا ما؟..

ەگەر مەنىڭ اتى-ءجونىم شەتەلگە شىعۋعا تيىم سالىنعان ازاماتتاردىڭ اراسىندا بولماسا، شىڭعىرلاۋ بەكەتىندە شەكاراشىلارى نەندەي دەرەككە سۇيەنىپ، مەنىڭ ازاماتتىق قۇقىمدى شەكتەدى؟..

سويلەي دە، دۇرىس جۇرە دە المايتىن ۇلىم مەن قىزىم، اياعى اۋىر، ايى-كۇنى جاقىنداعان جۇبايىم پوەزدا قالدى، جىلاپ-سىقتاپ...

مەنىڭ تۇسىنبەيتىنىم: بالالارىمدى قىتايدا ەمدەتۋ ءۇشىن قازاقتىڭ باي ازاماتتارىنان كومەك سۇراپ جۇرگەن مەنى قاساقانا شىعىنداتۋعا كىم مۇددەلى؟

ناۋقاس بالالارىمدى قىتايعا ەمدەتۋ ءۇشىن جىل بويىنا تىرتىنەكتەپ جيناقتاعان از-ماز قاراجاتىمىز بەن بالالاردىڭ جاردەماقىسىنان جىرىپ، مەن شىعارلاۋدان اقتوبە قالاسىنا جەدەل جەتۋ ءۇشىن (شامامەن 360 كم) جول كۇرەسىنە (تاكسي) 40 مىڭ تەڭگە (سالون) تولەۋگە ءماجبۇر بولدىم. شەكاراشىلاردىڭ قاتەلىكتەرى ءۇشىن مەن نەگە شىعىندانۋىم كەرەك؟!.

بۇل باسسىزدىقتى جاساۋشىلار انادان تۋعان با، الدە، ايۋاننان شۇبىرعان با؟!.

سونىمەن، قىرۋار اقشا تولەپ، بالا-شاعامنىڭ ارتىنان پوەزدى قۋىپ اقتوبەگە جەتسەم، پوليتسەيلەر قالاعا كىرگىزبەي، اتىس بولىپ جاتىر دەپ، تاعى دا ءبىراز اۋرە-سارساڭعا سالدى.

جالپى، ءوز ەلىمىزدە، تۋعان جەرىمىزدە قادام باسقان سايىن تۇساۋلاعان باسسىزدىققا جاۋاپتى باسشى بار ما؟..

قاجىمۇقان عابدوللا

Facebook-تەگى پاراقشاسىنان