توقتار تولەشوۆ ەلدەگى ءىرى كاسىپكەر. وقو «شىمكەنت پيۆو» كومپانياسىنىڭ قۇرىلتايشىسى ءارى قوجايىنى، «شىمكەنتستەكلو» شىنى ىدىس وندىرىسىمەن اينالىساتىن سەرىكتەستىكتىڭ ديرەكتورى،  «شىمكەنت Pictures» دەرەكتى جانە كوركەم فيلمدەر وندىرىسىمەن اينالىساتىن كومپانيانىڭ قۇرىلتايشىسى بولعان.

2007-2011 جىلدار ارالىعىندا – ازيا قۇرلىقتىق بوكس فەدەراتسياسىنىڭ (FAAB) ۆيتسە-پرەزيدەنتى، حالىقارالىق بوكس فەدەراتسياسىنىڭ (AIBA) كوميتەت توراعاسى، 2008 جىلدان – قازاقستان كازاك قوعامدىق بىرلەستىكتەرى باس اتامانىنىڭ رەسەيمەن، تمد ەلدەرىندەگى ورىس جانە كازاك ۇلتتىق-مادەني قوعامدىق ۇيىمدارمەن وداقتاستىق قاتىناستاردى نىعايتۋ جونىندەگى كەڭەسشىسى; 2009 جىلدان – «قازاقستاننىڭ ورىس قاۋىمداستىعى» قوعامدىق بىرلەستىگىنىڭ كەڭەسشىسى جانە وكىلەتتى وكىلى; 2009 جىلدان – «قازاقستاننىڭ ورىس قاۋىمداستىعى» قوعامدىق بىرلەستىگىنىڭ كەڭەسشىسى جانە وكىلەتتى وكىلى; 2011 جىلى «شانىشقىلى» قوعامدىق قورىن قۇرعان; 2012 جىلى – «قارقىندىلىعى تومەن لاڭكەستىك قاتەرلەر مەن قاقتىعىستارعا ساراپتاما جاساۋ ورتالىعىنىڭ» ورتالىق ازيا باعىتىنىڭ ديرەكتورى; 2014 جىلدان – ءتۇرلى ءدىني كونفەسسيالاردىڭ وكىلدەرىنە قولداۋ كورسەتەتىن «يسلام جانە الەم» ايماقارالىق قايىرىمدىلىق قورىنىڭ ۆيتسە-پرەزيدەنتى...

ت.تولەشوۆتىڭ وسىنشا قوعامدىق ۇيىمدار مەن قورلار قۇرىپ جۇمىس ىستەۋى كىمگە كەرەك؟ وسى جانە باسقا دا ساۋالدارعا قاتىستى قازىرگى ۋاقىتتا تەرگەۋ امالدارى ءجۇرىپ جاتىر.

ەستەرىڭىزگە سالا كەتەيىك، 30 قاڭتاردا شىمكەنتتە ءتارتىپ ساقشىلارى اۋقىمدى وپەراتسيا وتكىزىپ، توقتار تولەشوۆتى تۇتقىنداعان بولاتىن. وعان قر قك 266-شى، 297 باپتارى بويىنشا ايىپ تاعىلعان ەدى. بۇگىن قر باس پروكۋراتۋراسى ت.تولەشوۆ جەر رەفورماسىنا قارسى زاڭسىز شەرۋلەر ۇيىمداستىرۋ ءۇشىن ونى قارجىلاندىردى، بيلىكتى كۇشپەن باسىپ الۋعا ارەكەتتەندى دەگەن ايىپ تاقتى.

قر باس پروكۋراتۋراسى ت.تولەشوۆپەن سىبايلاس بولدى دەگەن لاۋازىمدى قىزمەتكەرلەردىڭ دە اتى ءجونىن اتادى. ولاردىڭ قاتارىندا ۇزاق جىلدار بويى زاڭ سالاسىندا ەڭبەك ەتكەن، قر باس پروكۋرورىنىڭ ءبىرىنشى ورىنباسارى، قر كونستيتۋتسيالىق كەڭەسiنiڭ بۇرىنعى مۇشەسi, ەكiنشi سىنىپتاعى ادiلەت كەڭەسشiسi Iلياس باقتىباەۆ تا بار.

ءى.باقتىباەۆ 1948 – الماتى وبلىسىندا دۇنيەگە كەلگەن.  كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. زاڭ عىلىمدلارىنىڭ كانديتاتى. ەڭبەك جولىن ورتا مەكتەپتەگى لابورانتتىق قىزمەتتەن باستاعان. پروكۋرورلىق كارەراسىن 1985 جىلى الماتى قالاسىنىڭ ماسكەۋ اۋدانى پروكۋرورىنىڭ ورىنباسارىنان باستاعان. قر باس پروكۋرورىنىڭ ءبىرىنشى ورىنباسارى قىزمەتىن ەكى رەت 1996-1997 جج. جانە 2003-2008 جىلدارى اتقاردى. 2008 جىلدىڭ  ناۋرىز ايىنان باستاپ – قر كونستيتۋتسيالىق كەڭەستىڭ مۇشەسى.

بۇگىن ءى.باقتىباەۆتىڭ ءوزى ۇزاق جىلدار قىزمەت ەتكەن باس پروكۋراتۋرا ونى  توقتار تولەشوۆتىڭ سىيبايلاسى دەگەن ايىپپەن قاماۋعا العانىن حابارلادى.

سونىمەن قاتار وتكەن دەمالىس كۇندەرى قر ۇقك قىزمەتكەرلەرi استانا، الماتى جانە شىمكەنت قالالارىندا تولەشوۆتىڭ سىبايلاستارى دەگەن كۇدىكپەن وقو IIد بۇرىنعى باسشىسى، گەنەرال-مايور عيبراتوللا دوسقاليەۆتى ۇستادى.

دوسقاليەۆ  حيبراتۋللا ەرمەكۇلى. پوليتسيا گەنەرال-مايورى، زاڭ عىلىمدارىنىڭ دوكتورى، ءىىم ەڭبەك سىڭىرگەن قىزمەتكەرى.

ول 1955 جىلى 16-شى  تامىزدا  استراحان  وبلىسىنا قاراستى  زاتون كازىمياكسك اۋىلىندا تۋعان.

1995 جىلى  قىلمىستىق ىستەر بويىنشا  باسقارما باسشىسىنىڭ ورىنباسارى قىزمەتىنە وتىرعان. كەيىنرەك ماڭعىستاۋ وبلىسىنىڭ ءىىد 4-ءشى ءبولىمىن باسقاردى. كەيىننەن ماڭعىستاۋ وبلىسى ءىىد باسشىسىنىڭ ورىنباسارى، ارتىنشا وسى وبلىستاعى ءىىد-ءدى باسقاردى.

1995-1997 جىلدار ارالىعىندا قوستاناي وبلىسى بويىنشا  مەملەكەتتىك تەرگەۋ كوميتەتى باسقارماسىن باسقاردى. 1997-1999 جىلدارى  ماڭعىستاۋ وبلىسى  ءىىد باسقاردى. 1999-2002 جىلدارى  ءىىم-نە قاراستى قوعامدىق قاۋىپسىزدىكتى ساقتاۋ اسكەري تەرگەۋ دەپارتامەنتى باستىعىنىڭ ورىنباسارى بولدى.

2002-2012 جىلدارى  قىزىلوردا وبلىسىنىڭ ءىىد باسقاردى. ارتىنشا وقو ءىىد باسقاردى. قر ءىىم كوشى-قون پوليتسياسى كوميتەتىن باسقاردى. ءۇشىنشى دارەجەلى ء«مىنسىز قىزمەتى ءۇشىن» مەدالىمەن ماراپاتتالعان. ء«ىىم-دە جاقسى قىزمەت ەتكەنى ءۇشىن» ماراپاتىن العان. ءىىم  قۇرمەت گراموتاسىمەن ماراپاتتالعان.

ايتبەكوۆ ساكەن ءابىلداۇلى. زاڭ سالاسى بويىنشا جوعارى ءبىلىمى بار. قاراعاندىداعى ءىىم-نە قاراستى بەيسەنوۆ اتىنداعى  زاڭ ينستيتۋتىنىڭ ماگيستراتۋراسىن بىتىرگەن. كسرو كەزىندە قازاقشا كۇرەس پەن ەركىن كۇرەستەن سپورت شەبەرى اتاعىن العان.

ساكەن ايتبەكوۆ ءوز قىزمەتىن كەنتاۋ قالاسىنداعى ءىىب-دە  قىلمىستىق ىزدەستىرۋ  ينسپەكتورى بولىپ باستاعان.  وقو ءىىد-دە ۇيىمداسقان قىلمىستىق توپپەن كۇرەس بولىمىندە ءتۇرلى باسقارمالاردى باسقارعان. سارىاعاش اۋدانىنا قاراستى  ا ءىىد باسقارعان.  وقو-بويىنشا ءىىد باسقارماسىنىڭ  جەكەباس قاۋىپسىزدىگىن قامتاماسىز ەتۋ باسقارماسىن باسقاردى. 2013-2015 جىلدارى  وقو ءىىد باستىعىنىڭ ورىنباسارى بولعان. 2015 جىلدان باستاپ تۋرا وسى ورگان باسشىسىنىڭ ءبىرىنشى ورىنباسارى بولىپ قىزمەت ەتتى.

سونداي-اق، پولكوۆنيك بەكزات جۇمين جانە  قايرات پەرنەباەۆتار ۇستالعان. ولار  قازاقستان قارۋلى كۇشتەرىنە قاراستى «يۋگ» ايماعى بويىنشا 35748 جانە 55652 پارمەندىك اسكەري بولىمدەرىندە   كوماندير بولىپ قىزمەت ەتكەن.

بەكزات جۋمين. وڭتۇستىك اسكەري وكرۋگى 35848 اسكەري ءبولىمىنىڭ كومانديرى، پولكوۆنيك. بىلتىرعى قازان ايىندا قازاقستاننىڭ قۇرلىقتاعى اسكەرىنىڭ دايىندىعىن تەكسەرۋ ماقساتىندا ەكپرەسس-تەست ءوتىپ، سوندا جۋمين باسقاراتىن اسكەري ءبولىم ۇزدىكتەردىڭ قاتارىندا اتالدى.

قايرات پەرنەباەۆ. قر قورعانىس مينيسترلىگى «شىمكەنت» اۆياتسيالىق بازاسىنىڭ كومانديرى، پولكوۆنيك. ۇزدىك اسكەري ۇشقىشتاردىڭ ءبىرى. بىلتىرعى 7 مامىردا اۋەدە «70» سانىن جازعان اسكەري ۇشاقتار توبىنىڭ كومانديرى.

بارلىق كورسەتىلگەن ازاماتتار قازىرگى كەزدە ۋاقىتشا تەرگەۋ اباقتىسىنا جابىلعان. ولاردىڭ جەكە باسىنا قاتىستى بۇلتارتپاۋ شاراسى بويىنشا شەشىم قاراستىرىلىپ جاتىر.

اقتوبەدەگى لانكەستىكتى جاساعان كىمدەر؟

اقتوبەلىك پوليتسەيلەر قالادا ويران سالعان سودىرلاردىڭ اتى-جوندەرىن انىقتادى.

ىزدەۋ سالىنعان كۇدىكتىلەر

اقتوبە وبلىسىندا 5 ماۋسىمداعى قاندى وقيعاعا قاتىسى بار 8 ادامعا ىزدەۋ جاريالاندى. بۇل تۋرالى وبلىستىق ءىىد ءباسپاسوز حاتشىسى ارداگەر ۋايدين مالىمدەدى.