اقپاراتقا سايكەس، اتالعان شارالار مينيسترلىكتەردىڭ، اكىمشىلىك مەكەمەلەردىڭ جانە وزگە دە ۇيىمداردىڭ شتاتتىق سانىن وڭتايلاندىرۋ ءۇشىن قولعا الىنعان. سونىمەن بىرگە قايتالاناتىن مىندەتتەردى الىپ تاستاپ، مەملەكەتتىك اپپاراتتى قامتاماسىز ەتەتىن شىعىستىڭ كولەمىن قىسقارتۋ كوزدەلگەن.

بۇل جۇمىستاردى جۇزەگە اسىرۋ ءۇشىن، ارنايى جۇمىس توبى قۇرىلىپ، بارلىق مەملەكەتتىك مەكەمەلەردەگى شتات سانىن ەسەپكە الىنادى ەكەن.

وندا مەملەكەتتىك قىزمەتتەردە جەتەكشىنىڭ ورىنباسارى دەگەن لاۋازىمدى قىسقارتۋ قاراستىرىلعان.

قىرعىزستان ۇكىمەتىندە بۇگىنگى كەزدە 12 مينيسترلىك، 2 كوميتەت جانە 25 اكىمشىلىك مەكەمە جۇمىس ىستەيدى.

اباي-اقپارات