ء"بىز ۇجىمدىق قورعانىستى شيەلەنىس تۋدىرۋ ءۇشىن ەمەس، ۇرىسقا جول بەرمەۋ ءۇشىن نىعايتىپ جاتىرمىز", – دەدى ستولتەنبەرگ بەرليندە گەرمانيا كانتسلەرى انگەلا مەركەلمەن وتكىزگەن ءباسپاسوز ءماسليحاتى كەزىندە.

ستولتەنبەرگ ناتو "جاڭا سۋىق سوعىسقا" ۇمتىلمايتىنىن ايتىپ، "رەسەيمەن كونسترۋكتيۆتى قارىم-قاتىناستى" قالايتىنىن جەتكىزدى. قازىرگى كەزدە رەسەي مەن ۋكراينا اراسىنداعى قاقتىعىستان كەيىن رەسەي مەن ناتو اراسى سۋىق سوعىس كەزىندەگىدەي جاعدايدا تۇر.

30 مامىردا ۆارشاۆادا ستولتەنبەرگ پولشا استاناسىندا وتەتىن ناتو ءسامميتى كەزىندە ەۋروپانىڭ شىعىس بولىگىنە اسكەردى نىعايتۋدى تالقىلايتىنىن مالىمدەگەن.

"ۆارشاۆا سامميتىنەن كەيىن، پولشادا ناتو-نىڭ اسكەرى كوبەيەدى. بۇل پولشاعا شابۋىل جاساۋ، بارلىق اليانسقا شابۋىل جاساعانمەن بىردەي بولادى", – دەپ ەسكەرتكەن ەدى ستولتەنبەرگ.

اباي-اقپارات