سۋديا ءبىرجان تورەگەلديەۆ تاكاۋموۆتى ايىپتى دەپ تانىپ، تەرگەۋ ىسىندە قىلمىسى دالەلدەنەتىن، ۇقك قويماسىندا ساقتالىپ كەلگەن، جويىلۋعا جاتاتىن ديسكىلەر، بەينەتاسپا سەكىلدى دالەلدى زاتتاردىڭ بولعانىن ايتادى. ول جازاسىن قونىستاندىرۋ كولونياسىندا وتەيدى. سونىمەن قاتار تاكاۋموۆتان سوت-ساراپتاما شىعىندارى رەتىندە 31 مىڭ تەڭگە ءوندىرىپ الىنباق.

تاكاۋموۆ سوتتا وزىنە تاعىلعان ايىپتى مويىندامايتىنىن، ۇكىممەن كەلىسپەيتىنىن مالىمدەدى. ونىڭ اناسى سوت ۇكىمىنە اپەللياتسيالىق شاعىم بەرەتىندەرىن ايتتى.

تاكاۋموۆ 2015 جىلدىڭ 18 قاراشاسىندا قازاقستاندا تىيىم سالىنعان "تابليعي جاماعات" ءدىني ۇيىمىنا مۇشە بولدى دەگەن كۇدىكپەن ۇستالعان. ول ۇستالعاننان بەرى ۇلتتىق قاۋىپسىزدىك كوميتەتىنىڭ تەرگەۋ اباقتىسىندا وتىر.

استانا سوتى 2013 جىلدىڭ اقپانىندا "تابليعي جاماعات" ءدىني ۇيىمىن ەكسترەميستىك دەپ تانىپ، قىزمەتىنە تىيىم سالعان. ەل بيلىگى "تابليعي جاماعات" ۇيىمىنىڭ باستى ماقساتى ورتالىق ازيا تەرريتورياسىندا حاليفات قۇرۋ دەپ سانايدى. 2013 جىلدان بەرى ەلدە ونداعان ادام وسى ۇيىمعا مۇشە بولدى دەگەن ايىپپەن سوتتالعان.

اباي-اقپارات