الماتى وبلىسى، ىلە اۋدانىنىڭ ورتالىعى – وتەگەن باتىر كەنتىندە وتاندىق ءوندىرىستىڭ جاڭا ءبىر وشاعى جۇمىسقا كىرىستى. شاعىن بيزنەسكە جاتاتىن زاۋىت وڭىردە وزىندىك ورنى بار وزگەشە ونىمدەر شىعارادى.

اتاپ ايت-قاندا، «تەمىرمەتالل» جشس مۇنايگاز جەلىسىنە پايدالانىلعان ەسكى قۇبىرلاردان مەتالل تاباقتار دايىنداي¬تىن قايتا وڭدەۋ جەلىسىن ىسكە قوستى. جاڭا ءوندىرىس جەلىسى اۋدان عانا ەمەس، وبلىس ەكونوميكاسى ءۇشىن اسا ماڭىزدى.

مۇندا جاڭا جۇمىس ورىندارى اشىلادى. سونىمەن بىرگە سالىق ءتۇسىمىن ارتتىرىپ، مەتالل تاباقتار الۋعا بايلانىستى ءىرى ءوندىرىس ورىندارىنا تۋاتىن تاۋەلدىلىكتى ازايتادى. وندىرىسكە سالىنعان ين-ۆەستيتسيا مولشەرى – 300 ميلليون تەڭگە. ءبىرىنشى كەزەڭدە 30 ادام جۇمىسقا الىنسا، تاپسىرىس كوبەيگەن كەزدە شتات سانى ەكى ەسەگە ارت¬تىرىلماق.

كاسىپورىندا شىعارىلاتىن مەتالل تاباقتاردى ماشينا جانە ۆاگون قۇراستىرۋدا، قۇرىلىستا، تۇر¬عىن ءۇي-كوممۋنالددىق شا-رۋاشىلىعىندا، حالىق شارۋاشىلى¬عىنىڭ باسقا دا سالالارىندا كەڭىنەن پايدالانۋعا بولادى. جاڭا ءىستىڭ باسىندا تۇرعان كاسىپكەرلەر تىڭ باستامانى جۇزەگە اسىرۋعا جان-جاقتى قولداۋ كورسەتكەن اۋدان باسشى¬لى¬عىنا العىستارىن ارناي وتىرىپ، ەرەكشە جەلىنىڭ شيكىزاتتى العاشقى قولدانىستا بول¬عاننان كەيىن دە قايتا پايدالانۋعا جول اشاتىندىعىن ايرىقشا اتاپ وتىر. جىلدار بويى قولدا¬نىستا بولعانداردىڭ بارلىعى جارامسىز دەۋگە بولمايدى. ما¬سەلەن، مۇنايگاز سالاسىنا ارنالعان قۇبىرلار 14 گ2 ماركالى اسا جوعارى ساپالى بولاتتان جاسالادى.

ناقتى بەلگىلەنگەن مەرزىمدە جەر استىندا جاتىپ، قولدانىلعاننان كەيىن، تەحنولوگيالىق سيپاتى بويىنشا تىڭ وزگەرىستەرگە ۇشىرايدى. مۇنداي مەتالل سىنىق¬تارىنىڭ قورى باتىس قازاقستان جانە ماڭعىستاۋ وبلىستارىندا جەتەرلىك.

بۇرىندارى وسىنداي قۇبىرلاردى كەسىپ-كەسىپ، مەتالل سىنىقتارى رەتىندە شەت ەلدەرگە جونەلتىپ كەلگەن ەدىك. ەندى، مىنە، وزى¬مىزدە قايتا وڭدەۋدەن وتكىزەتىن دا¬رەجەگە جەتتىك.

Abai.kz