رەسەيلىك «ەۋرازيا» ارناسىنىڭ ىلگەرىدەگى ىرىتكى سالعان مالىمدەمەسىنىڭ دالەلى رەتىندە كەلتىرگەن  سەنساتسيالىق «بەينە سيۋجەتى» قوعامنىڭ تالقىسىنا ءتۇسىپ، ءوز دارەجەسىندەگى باعاسىن الدى. بەلسەندىلەر حالىقتىڭ دەموكراتيالىق قۇقىعىن تاپتاپ، كوپە-كورنەۋ جالا جاپقان ارنانى زاڭ الدىندا جاۋاپقا تارتۋ كەرەكتىگىن دە ايتتى. ءتىپتى، پولشانىڭ قازاقستانداعى ەلشىسى «ەۋرازيا» ارناسىنىڭ ۇستىنەن سوتقا شاعىم ءتۇسىردى. الماتىنىڭ بوستاندىق اۋداندىق سوتى رەسەيلىك ارنانىڭ ۇستىنەن تۇسىرىلگەن شاعىمدى قابىلداپ، قىلمىستىق ءىس قوزعادى. ەندى ارنا اقتالىپ-اق، جاتىر.

ءجا، بۇل جەردە ء سىز بەن ءبىزدىڭ پوزيتسيا ايقىن. ال استاناداعى اق جاعالىلاردىڭ «ەۋرازيا» ارناسى توڭىرەگىندەگى داۋعا قاتىستى پىكىرلەرى قانداي؟  بۇل سۇراقتىڭ جاۋابىن «ratel.kz» سايتى ىزدەپتى.

ەسكىسى بار، جاڭاسى بار ماجىلىستەگى مىرزالار مەن حانىمداردىڭ «ەۋرازيا» ارناسىنىڭ ەشكىشەك سيۋجەتىنە دەگەن كوزقاراستارى دا ارقيلى.

ۆلاديسلاۆ كوسارەۆ: ولار ەشكىمدى كىنالاعان جوق، سولاي بولىپ قالدى

- «ەۋرازيا»  ارناسى تەلەكورەرمەندەرگە پاتريوتتىق تاربيە بەرۋگە تىرىسىپ ءجۇر. سونىداقتان دا وسىنداي تاقىرىپتارعا تاۋەكەل ەتۋدە. بىراق، ءبارى بىردەن بولىپ كەتپەيدى عوي. سەبەبى، ءبىزدىڭ قوعامدا «وتان» دەگەن ۇعىم السىرەپ، ءبىر يرونيالىق كەلبەت الىپ كەتكەن. ال مىنا ارنا سول تۇسىنىكتى بۇزعىسى كەلەدى. سوندىقتان ءبىز جالپى قازاقستاندىقتار بولىپ ارناعا جاردەمدەسۋىمىز كەرەك.

- ولاردىڭ قازىرگى ءجۇرىپ كەلە جاتقان باعىتى دۇرىس پا، سوندا؟ 

- دۇرىس ارينە. «وتان» دەگەن ارقاشان دا دۇرىس بولماق. ال تۇسىنىك ءبىزدىڭ ارقايسىمىزدا ءار ءتۇرلى.

- بىراق، ولار سىزدەردىڭ ەلەكتوراتتاردى، سىزدەرگە داۋىس بەرگەن حالىقتى اقشا ءۇشىن الاڭعا شىقتى دەپ ايىپتادى عوي.

- جوق، ولار كىنالاعان جوق. سولاي بولىپ قالدى.

ەكاتەرينا نيكيتينسكايا: جەل تۇرماسا ءشوپتىڭ باسى قيمىلدامايدى

- مەنىڭ ويىمشا، ەگەر ءدال وسىنداي فاكتى راس بولسا، ونى انىقتاۋ كەرەك. مەنىڭشە الاڭعا شىعىپ جاتقان حالىقتىڭ بارلىعى ولارعا 50-100 دوللار بەرەتىندىگى ءۇشىن الاڭعا بارمايدى، ميتينگكە شىقپايدى. بىراق، «جەل تۇرماسا ءشوپتىڭ باسى قيمىلدامايدى» دەيدى عوي. سوندىقتان بۇل ماسەلەنى ءالى تولىق انىقتاپ الۋ كەرەك. شىنىمەن دە وتان ءۇشىن، جەر ءۇشىن جانۇشىرىپ جۇرگەن ازاماتتار مەن، قارجىلىق جەكە پايداسى ءۇشىن الاڭعا شىعىپ جۇرگەندەردى ايىرىپ الۋىمىز كەرەك. سەبەبى، ساياسي قۇرىلىمدا ونداي جاعدايلار بولاتىن راس. وكىنىشكە وراي، ءبىزدىڭ جۋرناليستيكادا «ەستىگەنىن» ايتا سالۋ دەگەن قالىپتى جاعداي بار. سوندىقتان الدىمەن، بۇل اقپاراتتى تولىق زەرتتەپ الۋ كەرەك ەدى.

سەرىك سەيدۋمانوۆ: بۇل تاقىرىپتى كەڭىرەك تالقىلاۋ كەرەك

- مەنىڭ ويىمشا، بۇل تاقىرىپتى كەڭىرەك تالقىلاۋ كەرەك. مەنىڭ ءوزىم ءالى ول سيۋجەتتى كورگەن جوقپىن. بىراق، باق-تان ارنا توڭىرەگىندەگى داۋدان حاباردارمىن. مەنىڭ ويىمشا باق-تا بۇل ماسەلەگە قاتىستى جاقسى باعا بەرىلدى. ەگەر قانداي دا ءبىر جالعان نەمەسە داۋلى اقپارات بولاتىن بولسا، ول تالقىلانۋى ءتيىس جانە تەرىستەلۋى دە كەرەك. ال قاندايدا ءبىر ايىپتاۋعا كەلەر بولساق، الدىمەن تولىق دالەلدەۋ كەرەك.

گەننادي شيپوۆسكيح: بۇل فاكتى مە، الدە؟..

- شىنىمدى ايتايىن، بۇل ماسەلەگە قاتىستى مەن ءدال قازىر قانداي دا ءبىر مالىمدەمە جاساي المايمىن. ويتكەنى، مۇنىڭ فاكتى الدە داقپىرت ەكەنىن ءوزىم دە بىلمەيمىن.  بۇل نەگىزدەلگەن بە، الدە جوق پا؟ مەن مۇنى بىلمەيمىن. ەگەر مەن مۇنىڭ جالعان اقپارات ەكەنىن ناقتى بىلمەس عوي...

- بىراق ولار دالەل كەلتىرە المادى...

- ءتىپتى، دالەل كەلتىرە الماپتى دا. ونىڭ ۇستىنە جالا جاۋىپ وتىر ەكەن. وندا بۇل جالا عوي. دالەل جوق قوي. سوندىقتان مەن ەشتەڭە ايتا المايمىن. سەبەبى، قازىر مەنىڭ ءوزىم قاتە مالىمدەمە جاساۋىم مۇمكىن عوي. ال ولار كورسەتكەن اناۋ بەينە جازبا ەشقانداي دا دالەل ەمەس. دەسەك تە، ارنانىڭ اقپاراتى جالعان دەگەندى دالەلدەيتىن ناقتى فاكتى لەر دە بولماي تۇر عوي.  

نۇرزات توعجان

Abai.kz