ەۋرووداق قىرىمداعى سايلاۋدى مويىندامدى
ەۋروپالىق وداق وتكەن جەكسەنبىدە قىرىمدا وتكەن مەملەكەتتىك دۋماعا سايلاۋدى مويىندامايدى. ويتكەنى ەۋرووداق ۋكراينانىڭ ەگەمەندىگى مەن تۇتاستىعىن قولدايدى. وسىلاي دەپ ەۋروپالىق ديپلوماتيا وكىلى فەدەريكا موگەريني مالىمدەدى.
بۇل پوزيتسيانى اقش مەملەكەتتىك دەپارتامەنتى دە قولدايدى. ۋكراينا اننەكسيالانعان قىرىمدا رەسەيدىڭ مەملەكەتتىك دۋماسىنا سايلاۋدى ايىپتادى. زاڭسىز داۋىس بەرۋدىڭ ناتيجەسى رەسەيدىڭ تومەنگى پالاتاسىنىڭ زاڭدى جۇمىس ىستەۋىنە كۇمان كەلتىرەدى دەپ مالىمدەدى.
ەۋروپاداعى قاۋىپسىزدىك جانە ىنتىماقتاستىق جونىندەگى ۇيىم (ەقىۇ) قىرىمعا وزدەرىنىڭ باقىلاۋشىلارىن جىبەرمەدى.
قىرىم 2014 جىلى رەسەي تاراپىنان اننەكسيالاندى. ۋكراينا مەن حالىقارالىق قاۋىمداستىق رەسەيدىڭ قىرىمدى باسىپ الۋىن مويىندامايدى. اتالعان وداق قىرىمدى ۋكراينا اۋماعىنىڭ ءبىر بولشەگى دەپ سانايدى.
اباي-اقپارات
