پرەزيدەنت اكىمشىلىگىنىڭ جەتەكشىسى فاريدا نيازوۆانىڭ ايتۋىنشا، بۇگىن ول اتامباەۆپەن تەلەفون ارقىلى سويلەسكەن. پرەزيدەنت 20 قىركۇيەكتەن باستاپ مەديتسينالىق تەكسەرۋدەن وتۋىنە بايلانىستى از ۋاقىت دەمالىس الاتىنداعىن ايتقان.

قىرعىزستان پرەزيدەنتى المازبەك اتامباەۆتىڭ جۇرەك سىرقاتىنا بايلانىستى نيۋ-يوركتە وتەتىن بۇۇ باس اسسامبلەياسىنىڭ 71-سەسسياسىنا قاتىسپايتىنى حابارلانعان. اتامباەۆ مىنگەن ۇشاق ستامبۋلداعى اتاتۇرىك اۋەجايىنا قونعاندا، پرەزيدەنت ءوزىن جايسىز سەزىنىپ، وعان العاشقى مەديتسينالىق كومەك كورسەتىلگەن ەدى.

نيۋ-يوركتەگى بۇۇ باس اسسامبلەياسىنىڭ سەسسياسىنا قىرعىزستان دەلەگاتسياسىن سىرتقى ىستەر ءمينيسترى ەرلان ابدىلداەۆ باستاپ بارادى.

19 قىركۇيەكتە نيۋ-يوركتە قىرعىزستاندا ساسياي وتپەلى كەزەڭنىڭ پرەزيدەنتى بولعان روزا وتىنباەۆا بۇۇ ليدەرلەر كەڭەسىنىڭ وتىرىسىنا قاتىسقان. ونىڭ سونىمەن بىرگە الەمدىك ايەل ليدەرلەر كەڭەسىنىڭ ۇيىمداستىرۋىمەن وتەتىن «ايەلدەرگە قاتىستى زورلىقتىڭ ەكونوميكالىق قۇنى» دەگەن تاقىرىپتا وتەتىن جارىسسوزگە قاتىساتىندىعى بەلگىلى بولدى.

اباي-اقپارات