ونىڭ ايتۋىنشا، قازاقستاننىڭ حالىقارالىق مىندەتتەمەلەرى ءولىم جازاسىنا ەنگىزىلگەن موراتوريدى الىپ تاستاۋعا كەدەرگى بولادى ەكەن. ال، انا رەتىندە د.نازارباەۆانىڭ ءوزى پەدوفيلدەردىڭ ءولىم جازاسىنا كەسىلۋىن قوس قولداپ قولدايتىنىن ايتتى.

«مەن انا رەتىندە ءولىم جازاسىن قوس قولداپ قولدايمىن. ءبىز ءوز ەركىمىزبەن شەشىم قابىلداي المايمىز. حالىقارالىق مىندەتتەمەلەر بار. سول ءۇشىن ءبىز بۇنداي زاڭدى قابىلداي الماۋىمىز ابدەن مۇمكىن»، - دەپ ءتۇسىندىردى ول.

سونداي-اق سەناتور پەدوفيلدەردى مەكتەپ اۋلاسىندا جانە جاسوسپىرىمدەر جۇرەتىن جەرلەرگە زاڭمەن جولاتپاۋ كەرەكتىگىن اتاپ ءوتتى.

ء«بىز ءبارىمىز انامىز. بالالاردىڭ زورلانىپ جاتقانىن ەستىپ، ءبارىمىز دە ۋايىمعا بەرىلەمىز. ولاردىڭ تۋعان-تۋىستارىنىڭ دا قانداي كۇيدە بولاتىنىن جاقسى تۇسىنەمىز. پەدوفيلدەردىڭ ساناسى ساۋ ەمەس. ونى مەديتسينا دالەلدەگەن. تۇرمەدەن شىققان سوڭ ولار مەملەكەتتىڭ قارجىسىنان ەمدەلەدى»، - دەيدى د.نۇرسۇلتانقىزى.

ايتا كەتەيىك، بۇگىن سەناتتىڭ پلەنارلىق وتىرىسىندا داريعا نازارباەۆا سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنە باسشى بولىپ تاعايىندالدى.

Abai.kz